گیس لیکج کے باعث دم گھٹنے سے میاں بیوی اور بچہ جاں بحق

03 جنوری 2016 (14:29)

شانگلہ (مانیٹرنگ ڈیسک ) شانگلہ کے علاقہ لیلونئی میں گیس لیکج کے باعث دم گھٹنے سے میاں بیوی اور بچہ جاں بحق ہوگئے ۔ پولیس کے مطابق ڈاکٹر مجیب اْن کی اہلیہ اور ایک سال کا بیٹا شاداب رات کو کمرے میں سوئے تھے ۔ صبح جب گھر کے دیگر لوگوں نے ان کے کمرے کا دروازہ کھٹکھٹایا تو نہ کھلنے پر تشویش ہوئی ۔ جس کے بعد دروازہ توڑا گیا تو تینوں افراد مردہ حالت میں پائے گئے ، تینوں کی موت گیس لیکج سے واقع ہوئی ۔ جاں بحق ڈاکٹر مجیب عراق میں ملازمت کر رہے تھے اور گزشتہ رات ہی قریبی عزیز کی شادی میں شرکت کے لئے شانگلہ پہنچے تھے ۔ پولیس نے تینوں لاشوں کو ضابطے کی کارروائی کے بعد ورثا کے حوالے کردیا ہے۔

مزیدخبریں