استنبول نائٹ کلب حملہ،24غیر ملکیوں کی شناخت ہو گئی

استنبول نائٹ کلب حملہ،24غیر ملکیوں کی شناخت ہو گئی

  

استنبول(این این آئی)ترکی کے شہر استنبول میں نائٹ کلب کا حملہ آور اب تک پکڑا نہ جا سکا، حملہ آور افراتفری کا فائدہ اٹھاتے ہوئے بندوق پھینک کر فرار ہو گیا تھا۔نائٹ کلب حملے میں 39 افراد ہلاک اور 69 زخمی ہو ئے تھے، مرنے والوں میں 24 غیر ملکی اور 11 ترک باشندوں کی شناخت کر لی گئی ہے۔ترک میڈیا نے استنبول کی پولیس کے حوالے سے بتایا کہ نیو ائیر نائٹ کلب پر حملہ کرنے والے شخص کی تلاش جاری ہے۔ حملہ آور نے 120 سے 180 کے قریب راؤنڈ فائر کئے اور یہ حملہ سات منٹ تک جاری رہا، بعدازاں حملہ آور کلب میں افراتفری کا فائدہ اٹھاتے ہوئے بندوق پھینک کر فرار ہونے میں کامیاب ہو گیا تھا ۔میڈیا کے مطابق وزیر اعظم نے ان خبروں کی تردید کی ہے کہ حملہ آور سانتا کلاز کا روپ دھارے ہوئے تھا ،ترک وزیر داخلہ نے کہا کہ مرنے والے 39 افراد میں سے 24 غیر ملکی اور 11 ترک باشندوں کی شناخت کر لی گئی ہے۔ اس کے علاوہ 69 افراد مختلف اسپتالوں میں زیر اعلاج ہیں ۔

مزید :

عالمی منظر -