شاہد آفریدی نے انٹرنیشنل کرکٹ میں میری واپسی کیلئے رکاوٹ ڈالی ، سلمان بٹ کا الزام

شاہد آفریدی نے انٹرنیشنل کرکٹ میں میری واپسی کیلئے رکاوٹ ڈالی ، سلمان بٹ کا ...
 شاہد آفریدی نے انٹرنیشنل کرکٹ میں میری واپسی کیلئے رکاوٹ ڈالی ، سلمان بٹ کا الزام

  

لاہور(یواین پی )2010کے سپاٹ فکسنگ کیس کے مرکزی کردار اور قومی ٹیم کے سابق کپتان سلمان بٹ کا کہنا ہے کہ آل رانڈر شاہد آفریدی نے میری انٹرنیشنل کرکٹ میں واپسی کیلئے رکاوٹ ڈالی تھی ۔ اردو پوائنٹ سے خصوصی گفتگو کرتے ہوئے 34سالہ سلمان بٹ کا کہنا تھا کہ ٹی ٹونٹی ورلڈ کپ 2016 کے لیے اس وقت کے ہیڈ کوچ وقاریونس نے مجھے قومی ٹیم میں شامل کرنیکا فیصلہ کرلیا تھا، اس وقت کے چیف سلیکٹر ہارون رشید اور بیٹنگ کوچ گرانٹ فلاور بھی مجھے کھلانے کا حق میں تھے جب کہ ٹیم مینجمنٹ نے مجھے نیشنل کرکٹ اکیڈمی بلا کر نیٹ پریکٹس بھی کرائی۔ سلمان بٹ کا کہنا تھا کہ اس وقت کے ٹیم کے کپتان شاہد آفریدی میری واپسی کے سخت مخالف ہوگئے اور انہوں نے ہی میری ٹی ٹونٹی ورلڈ کپ 2016کے لیے سلیکشن میں رکاوٹ ڈالی جس کے باعث میں قومی ٹیم میں شامل نہیں ہوسکا،مجھے اب بھی یہ حیرت ہے کہ کوئی انفرادی طور پر کیسے کسی کو واپسی کیلئے روک سکتا ہے ۔سلمان بٹ کا مزید کہنا تھاکہ 2017میں ویسٹ انڈیز کے دورے سے قبل بھی مجھے قومی ٹیم میں شامل کیے جانے کا گرین سگنل دیا گیا تاہم اسی دورانپاکستان سپر لیگ میں شرجیل خان اور دیگر کھلاڑیوں کی جانب سے سپاٹ فکسنگ کامعاملہ سامنے آگیا جس کے بعد کرکٹ بورڈ نے مجھ سے رابطہ کرکے کہا کہ اس وقت آپ کو ٹیم میں شامل کرنے سے غلط پیغام جائے گا اور یوں میں ٹیسٹ ٹیم کے ساتھ ویسٹ انڈیز نہیں جاسکا ۔سلمان بٹ نے کرکٹ بورڈ سے سوال کیا کہ قومی ٹیم میں واپسی کے لیے میں فارم، فٹنس، ری ہیبلیٹیشن مکمل کرچکا ہوں ، مزید کیا کروں ؟۔یاد رہے کہ سلمان بٹ نے 2003سے 2010کے دوران 33ٹیسٹ ،78ون ڈے اور24ٹی ٹونٹی مقابلوں میں پاکستان کی نمائندگی کی اور وہ سعید انور کے بعد قومی ٹیم کے چند قابل اعتماد اوپنرز میں شمار کیے جاتے تھے۔

مزید : کھیل اور کھلاڑی