حکومت معیشت کے معاملات میں جھوٹ بول رہی ہے: شاہد خاقان عباسی

حکومت معیشت کے معاملات میں جھوٹ بول رہی ہے: شاہد خاقان عباسی
حکومت معیشت کے معاملات میں جھوٹ بول رہی ہے: شاہد خاقان عباسی

  

اسلام آباد (ڈیلی پاکستان آن لائن )سابق وزیراعظم شاہد خاقان عباسی نے حکومت پر تنقید کرتے ہوئے کہا ہے کہ حکومت معیشت کے معاملات میں جھوٹ بول رہی ہے، حکومت کے ترجمان کہہ رہے ہیں خطرے کی گھنٹی بج رہی ہے، معیشت سے متعلق معاشی امور پر حکومتی ترجمان کی بات مانیں یا دیگر وزراءکی۔

اسلام آباد میں پریس کانفرنس کرتے ہوئے شاہد خاقان عباسی کا کہنا تھا کہ حکومت نے ڈالر کی قیمت بڑھائی لیکن ایکسپورٹ میں کمی آئی۔ رہنما ن لیگ نے کہا کہ حکومتی ترجمان نے کہا حکمت عملی ناکام ہوچکی کچھ اور سوچنے کی ضرورت ہے،فرخ سلیم نے کہا کہ حکومت معاشی مسائل کو حل نہیں کررہی، اضافی قرضے لیے جارہے ہیں۔انہوں نے کہا کہ اگر خطرے کی گھنٹیاں بج رہی ہیں تو سب کو تشویش ہونی چاہیے،ایسے غیرمعمولی حالات کبھی پاکستان میں پیدا نہیں ہوئے ، اس حکومت میں اکثر لوگوں کو پتا نہیں ہوتا کہ ان کا کیا کام ہے۔

مزید : قومی