”رزاق داﺅد مشرف دور حکومت میں بھی یہی کچھ کررہے تھے، کھاکھا کران کا پیٹ نہیں بھرتا“:ارشاد بھٹی

”رزاق داﺅد مشرف دور حکومت میں بھی یہی کچھ کررہے تھے، کھاکھا کران کا پیٹ نہیں ...
”رزاق داﺅد مشرف دور حکومت میں بھی یہی کچھ کررہے تھے، کھاکھا کران کا پیٹ نہیں بھرتا“:ارشاد بھٹی

  

اسلام آباد (ڈیلی پاکستان آن لائن)تجزیہ کارارشاد بھٹی نے کہاہے کہ رزاق داﺅد یہی کچھ مشرف دور میں بھی کررہے تھے اوران پر الزامات لگے تھے ، یہی کچھ اب کررہے ہیں،کھا کھا کران کا پیٹ ہی نہیں بھرتا ، پرانے پاکستان میں بھی یہی کچھ ہورہا تھاجو نئے پاکستان میں ہو رہاہے ۔

جیونیوز کے پروگرام ”رپورٹ کارڈ“ میں گفتگو کرتے ہوئے ارشاد بھٹی نے کہا کہ مہمند ڈیم کے حوالے سے انکوائری ہونی چاہئے ، رزاق داﺅد حکومت میں ہیں اور ان کی کمپنی کو ٹھیکہ مل رہاہے ، رزاق داﺅد یہی کچھ مشرف دور میں بھی کررہے تھے اوران پر الزامات لگے تھے ، یہی کچھ اب کررہے ہیں۔ انہوں نے کہا کہ یہ حکومت میں کس لئے آئے ہیں ، یہ حکومت سے نکل جائیں ، حکومت کریں یا کاروبار کریں، کھا کھا کران کا پیٹ ہی نہیں بھرتا ، پرانے پاکستان میں بھی یہی کچھ ہورہا تھاجو نئے پاکستان میں ہو رہاہے ۔

انہوں نے کہا کہ جے آئی ٹی کی رپورٹ میں جو باتیں کی گئی ہیں وہ ٹھیک ہیں لیکن اومنی گروپ کوئی حکومت میں نہیں ہے ، پیپلزپارٹی کوسندھ کے لوگوں نے منتخب کیاہے ، صوبائی حکومت کوفنڈز دیئے جانے چاہئے اوران کی نگرانی کی جائے لیکن اس طرح نہیں کیا جا سکتا جس طر ح فواد چودھری کہہ رہے ہیں۔

مزید : قومی