جلدپکنے وا لے پھل توڑنے کیلئے فوری تیاری کی ہدایت

  جلدپکنے وا لے پھل توڑنے کیلئے فوری تیاری کی ہدایت

  



لاہور(اے پی پی) ترجمان محکمہ زراعت نے ترشادہ باغات کے باغبانوں کو جلدپکنے والی اقسام کے پھل توڑنے کیلئے فوری تیاری اور حسب ضرورت آبپاشی کی ہدایت کی ہے اور کہاہے کہ باغبان درمیانے موسم میں پکنے والی اقسام کی فروخت کے انتظا م کیساتھ ساتھ گوبرکی کھادکا بھی بندوبست کریں تاکہ انہیں بعدمیں کسی مشکل کاسامنانہ کرناپڑے۔انہوں نے بتایا کہ ترشادہ پھلوں کی اچھی پیداوار کیلئے کھادوں کا استعمال بنیادی اہمیت کا حامل ہے‘ غذائی عناصر کی کمی بیشی ترشادہ پھلوں کی صحت‘نشوونما‘پیداوار اورمعیار پر برے اثرات مرتب کرتی ہے۔انہوں نے بتایا کہ پودے کو جن غذائی اجزاء کی ضرورت ہوتی ہے ان میں نائٹروجن سب سے زیادہ اہمیت کی حامل ہے۔

انہوں نے کہا کہ نائٹروجنی کھادکااستعمال ترشادہ پھلوں کے پودوں میں کلوروفل بنانے میں بھی معاونت کرتاہے۔

مزید : کامرس