برطانیہ میں ایک مسلمان کے طور پر رہنا بہت مشکل ہوگیا،فرانسیسی فٹبالر

برطانیہ میں ایک مسلمان کے طور پر رہنا بہت مشکل ہوگیا،فرانسیسی فٹبالر

لندن (این این آئی)دنیا کے مہنگے ترین قرار دیے گئے فٹ بالر اور مانچسٹر انگلش یونائیڈ کے ہیرو فرانسیسی پال بوگبا نے کہا ہے کہ برطانوی شہر مانچسٹر میں مئی میں ایک موسیقی تقریب پر دہشت گردانہ حملے کے بعد ایک مسلمان کا مانچسٹر میں رہنا بہت مشکل ہوگیا ہے۔ فرانسیسی مسلمان فٹ بالر پال بوگبا نے امریکی جریدے ’اسکوائر‘ کو دیے گئے ایک تفصیلی انٹرویو میں کہا کہ مئی میں مانچسٹر شہر میں ایک نائیٹ کلب میں ہونے والی محفل موسیقی جس میں امریکی گلوکارہ اریانا گرانڈی نے بھی شرکت کی میں دہشت گردی کے نتیجے میں 22 افراد ہلاک ہوگئے تھے۔ دہشت گردی کے اس خوفناک واقعے کے بعد مانچسٹر میں مسلمانوں کو شدید مشکلات کا سامنا کرنا پڑا ہے۔فرانسیسی فٹ بالر کا کہناتھا کہ ہمیں انسانوں کے قتل عام کے نظریات کی بیخ کنی کرنی چاہیے اور کسی کو شخص کو اپنے نظریات دوسروں پر مسلط کرنے کی اجازت ہرگز نہیں ہونی چاہیے۔ مذہب کی بنیاد پر کسی شخص کا قتل دیوانگی ہے۔ اسلام اس کی اجازت نہیں دیتا۔ آج جو بات میں کہہ رہا ہوں کل کو سب وہی کہیں گے۔زندگی میں بدترین واقعات رونما ہوتے رہے ہیں مگر زندگی کو تباہی کے دھانے پر پہنچنے سے بچانا چاہیے۔

پال پوگبا جنہوں نے ماہ صیام میں عمرہ کی سعادت بھی حاصل کی تھی نے مئی میں اپنے والد کی ناگہانی موت پر بھی گہرے دکھ کا اظہارکیا۔

مزید : علاقائی