سٹاک ایکسچینج حملے میں استعمال ہونیوالی کار نجی ٹی وی چینل کے ڈرامے میں بھی موجود، تمام ریکارڈنگ قانون نافذ کرنیوالے اداروں کو مل گئی

سٹاک ایکسچینج حملے میں استعمال ہونیوالی کار نجی ٹی وی چینل کے ڈرامے میں بھی ...
سٹاک ایکسچینج حملے میں استعمال ہونیوالی کار نجی ٹی وی چینل کے ڈرامے میں بھی موجود، تمام ریکارڈنگ قانون نافذ کرنیوالے اداروں کو مل گئی

  

کراچی (ویب ڈیسک) سٹاک ایکسچینج پر حملے میں استعمال ہونے والی کار نجی ٹی وی چینل   کے ڈرامے دیوانگی کے ایک منظر میں دیکھی جاچکی ،  ڈرامے کی متعلقہ قسط کی مکمل ریکارڈنگ تفتیشی حکام کے حوالے کر دی  گئی ہے۔

روزنامہ جنگ کے مطابق پاکستان سٹاک ایکسچینج پر29 جون 2020 ءکو ہونے والے دہشت گرد حملے میں استعمال ہونے والی کار 10 ماہ پہلے جیو کے ڈرامے ’دیوانگی‘ کے ایک منظر میں ہل پارک میں کھڑی نظر آ رہی ہے ،ڈرامے کی یکم جولائی 2020 ءکو نشر ہونے والی قسط نمبر 33 میں ڈرامے کے دو کردار گفتگو کرتے ہوئے آگے بڑھتے ہیں تو پارکنگ ایریا میں کھڑی ایک کار پر یہی نمبر نظر آتا ہے۔

فوٹو: سکرین شاٹ

جیو   نےڈرامے کی متعلقہ قسط کی مکمل ریکارڈنگ تفتیشی حکام کے حوالے کردی ہے ساتھ ہی انہیں یہ بھی بتایا گیا ہے کہ ڈرامے کی یہ قسط 30 اگست 2019 کو ہل پارک میں شوٹ کی گئی تھی۔دوسری جانب اب تک کی تفتیش میں یہ پتہ چلا ہے کہ 29 جون کو پاکستان  سٹاک ایکسچینج پر حملے سے صرف 4 دن پہلے یعنی 24 جون کو یہ کار ایک دہشت گرد نے سبزی منڈی پر واقع ایک شوروم سے خریدی تھی۔

مزید :

ڈیلی بائیٹس -