کامیڈین کپل شرما کے خلاف امریکہ میں مقدمہ درج

کامیڈین کپل شرما کے خلاف امریکہ میں مقدمہ درج
کامیڈین کپل شرما کے خلاف امریکہ میں مقدمہ درج

  

نیو یارک  (ڈیلی پاکستان آن لائن) بھارتی کامیڈین کپل شرما کے خلاف معاہدے کی خلاف ورزی  پر امریکہ میں مقدمہ درج کرادیا گیا۔ کپل شرما کے خلاف مقدمہ نیو یارک کی عدالت میں سائی یو ایس اے انکارپوریشن نامی کمپنی نے درج کرایا ہے۔ کمپنی کے سربراہ امیت جیٹ لی کا کہنا ہے کہ 2015 میں کپل شرما نے شمالی امریکا کا دورہ کیا تھا اور اس دوران انہوں نے ہم سے معاہدہ کیا تھا کہ وہ  چھ  شوز کریں گے لیکن انہوں نے صرف پانچ شوز کیے۔

امیت جیٹ لی کے مطابق بعد میں رابطہ کرنے پر کپل نے کہا کہ وہ نقصان کا ازالہ کردیں گے لیکن اب کافی عرصہ گزرنے کے باوجود کپل شرما نے زرتلافی ادا نہیں کیا۔

مزید :

تفریح -