رابی پیرزادہ نجی ٹی وی چینل سے لائیو رمضان ٹرانسمیشن پیش کریں گی
لاہور ( این این آئی) اداکارہ و گلوکارہ رابی پیرزادہ کی پانچوں انگلیاں گھی میں ، گلوکارہ ، اداکاری ، بیوٹی سیلون ، پروڈکشن ہاؤس کے ساتھ اب رمضان المبارک کے دوران نجی ٹی وی سے ٹرانسمیشن پیش کریں گی ۔تفصیلات کے مطابق اداکارہ و گلوکارہ رابی پیرزادہ نے ایک نجی ٹی وی چینل سے رمضان المبارک میں لائیو ٹرانسمیشن کا معاہدہ کیا ہے ۔ اس حوالے سے رابی پیرزادہ اور نجی ٹی وی چینل کے درمیان لاکھوں روپے معاوضے پر معاہدہ ہوا ہے ۔
رابی پیرزادہ اس وقت واحد فنکارہ ہیں جو گلوکاری ، اداکاری ، اینکر پرسن ، پروڈکشن ہاؤس اور بیوٹی سیلون چلانے کے ساتھ اب نجی ٹی وی پر رمضان ٹرانسمیشن پیش کریں گی۔
