انسداد دہشت گردی کی عدالت نے فاروق ستار کی 30مقدمات میں قبل از گرفتاری ضمانت منظور کرلی

انسداد دہشت گردی کی عدالت نے فاروق ستار کی 30مقدمات میں قبل از گرفتاری ضمانت ...
انسداد دہشت گردی کی عدالت نے فاروق ستار کی 30مقدمات میں قبل از گرفتاری ضمانت منظور کرلی

  

کراچی (ڈیلی پاکستان آن لائن) انسداد دہشت گردی کی عدالت نے متحدہ قومی مومنٹ (ایم کیو ایم) پاکستان کے سربراہ ڈاکٹر فاروق ستار کی 30 مختلف مقدمات میں عبوری ضمانت قبل از گرفتاری منظور کر لی۔ان مقدمات میں بانی ایم کیو ایم کی جانب سے کی جانے والی نفرت انگیز تقریر کا مقدمہ بھی شامل ہے۔

بھارت کا بیٹنگ آرڈر مضبوط ، جدید حکمت عملی کے ساتھ کھیلیں گے: سرفراز احمد

تفصیلات کے مطابق ایم کیو ایم پاکستان کے سربراہ فاروق ستار کو30مقدمات میں عبوری ضمانت مل گئی ہے۔ وہ پہلے ہی سندھ ہائی کورٹ سے حفاظتی ضمانت لے چکے ہیں تاہم اب وہ اپنے وکلاءکے ہمراہ خصوصی عدالت میں پیش ہوئے اور ضمانت کی درخواست جمع کرائی۔خصوصی عدالت کے جج نے فاروق ستار کی ضمانت منظور کی اور انہیں 50 ہزار روپے فی کیس کے حساب سے ضمانتی مچلکے جمع کرانے کی ہدایات جاری کیں۔

پاکستانی لڑکا لڑکی کی شادی ، 2دن میں دو مرتبہ نکاح پڑھوا لیا لیکن کیوں ؟ وجہ ایسی کہ آپ تصور بھی نہیں کر سکتے

واضح رہے کہ ایم کیو ایم کے سربراہ کے خلاف کراچی کے مختلف تھانوں میں یہ مقدمات بانی ایم کیو ایم کی نفرت انگیز تقریر کے بعد درج کرائے گئے تھے، تقریر کے دوران بانی ایم کیو ایم نے پاک فوج اور دیگر ریاستی اداروں کو شدید تنقید کا نشانہ بنایا تھا۔بانی ایم کیو ایم الطاف حسین نے کراچی پریس کلب کے باہر لاپتہ کارکنان کی بازیابی کے لیے ایم کیو ایم کی جانب سے کی جانے والی بھوک ہڑتالی کیمپ سے ٹیلی فونک خطاب کرتے ہوئے خفیہ اداروں کو بھی تنقید کا نشانہ بنایا اور ان کی اس اشتعال انگیز بیان کے بعد ان کی پارٹی کے کارکنان نے پاکستان مخالف نعرے لگائے۔بانی ایم کیو ایم کی تقریر کے بعد مشتبہ افراد نے کراچی پریس کلب سے نزدیک ہی ایک نجی ٹی وی چینل کے دفتر پر حملہ کر کے توڑ پھوڑ کی اور فوارہ چوک پر ہنگامہ آرائی کی جس کے نتیجے میں ایک شخص ہلاک ہوگیا تھا۔22 اگست 2016 کو بانی ایم کیو ایم نے کراچی اور امریکا میں کارکنان سے ٹیلی فونک خطاب میں پاکستان مخالف نعرے لگائے تھے، جس پر 23 اگست کو ایم کیو ایم پاکستان نے اپنے ہی بانی اور قائد سے لاتعلقی کا اعلان کر دیا تھا۔

سیز فائر معاہدے کی خلاف ورزی،بھارتی فوج کی بلا اشتعال فائرنگ،پاک فوج کی جوابی کارروائی میں 5 دشمن فوجی ہلاک ,متعدد زخمی

متحدہ قومی موومنٹ پاکستان کے سربراہ فاروق ستار پر الطاف حسین کی معاونت اور اشتعال انگیزی کو پھیلانے کے مقدمات درج ہیں جبکہ انسداد دہشت گردی کی عدالت نے انہیں اشتہاری بھی قرار دیا ہے۔

مزید : قومی