کیا آپ جانتے ہیں کہ آج وسیم اکرم ٹویٹر پر کیوں ٹرینڈ کررہے ہیں ؟

کیا آپ جانتے ہیں کہ آج وسیم اکرم ٹویٹر پر کیوں ٹرینڈ کررہے ہیں ؟
کیا آپ جانتے ہیں کہ آج وسیم اکرم ٹویٹر پر کیوں ٹرینڈ کررہے ہیں ؟

  

لاہور(ڈیلی پاکستان آن لائن)سوشل میڈیا خصوصا ٹویٹر پر کچھ ٹرینڈ کرے اور اس پر تنازعات نہ ہوں، ایسا عموما ہوتا نہیں ہے۔ آج ٹویٹر کے ٹرینڈزمیں سابق قومی کرکٹر وسیم اکرم کا نام بھی شامل ہےلیکن آج کچھ برا نہیں ہے۔

'وسیم بھائی' تادم تحریر پاکستان میں ٹویٹر پر چھٹے نمبر پر ٹرینڈ کررہے ہیں۔

پاکستان سمیت دنیا بھر کے کرکٹ کے دیوانے آج سابق کپتان اور فاسٹ باولر وسیم اکرم کو زندگی کی 54 بہاریں دیکھنے پر مبارکبادی پیغامات دے رہے ہیں اور ان کی کارکردگی کو سراہ رہے ہیں۔

وسیم نہ صرف پاکستان کیلئے سب سے زیادہ وکٹیں لینے والے کھلاڑی ہیں بلکہ  دنیائے کرکٹ کے ایک عظیم باولر بھی سمجھے جاتے ہیں۔

سوئنگ کے سلطان کے پاس ریکارڈز کی ایک لمبی فہرست ہے جس میں 916بین الاقوامی وکٹس شامل ہیں۔ ان وکٹوں میں سے 414ٹیسٹ اور 502ون ڈے انٹرنیشنل میچز میں لی گئی ہیں۔

وسیم کو چار بار ہیٹرک کرنے اور 1992کے ورلڈ کپ میں مین آف دی میچ کااعزاز حاصل ہونے کے ساتھ دونوں فارمیٹس میں پہلی بار 400وکٹیں لینے کابھی اعزاز حاصل ہے۔

آج صبح آئی سی سی نے ان کے ریکارڈز کو یاد کرتے ہوئے انہیں سالگرہ کی مبارک دی۔

اب اتنی خوبیاں ہوں، کرکٹ سے محبت ہو اور من پسند کھلاڑی ہو اور ٹویٹر صارفین چپ رہیں ایسا بھلا کیسے ممکن ہے۔

ہر سو وسیم اکرم کی شان میں قصیدے ہی نظرآئے اور ساتھ میں جنم دن کی مبارکباد بھی۔

کسی نے ان کی باولنگ کو سراہا تو کوئی ان کے دلکش انداز کو یاد کرتا دکھائی دیا۔

یہاں ایک اور مداح ان کو نیک تمناوں کااظہارکرتے نظرآرہے ہیں۔

ایوش رانجن نے ان کے ریکارڈز بتاتے ہوئے وسیم کو بہترین لیفٹ ہینڈڈ باولر قراردیا۔

وسیم اکرم نے ہزاروں محبت بھرے پیغامات پر سب کا شکریہ اداکرتے ہوئے کہا کہ وہ اس سال کا ایک چوتھائی حصہ قرنطینہ میں گزار چکے ہیں اس لیے اس سال کو وہ اپنی زندگی میں شامل نہیں کریں گے، اس لیے انہوں نے فیصلہ کیا ہے کہ وہ 53 سال کے ہی رہیں گے۔

وسیم بھائی کے اس ٹویٹ نے ایک نئی بحث شروع کردی ہے جو کب ختم ہوگی یہ پیشگوئی کرنا تھوڑا مشکل ہے۔

مزید :

کھیل -