9 مئی کو ریڈیو پاکستان کی عمارت پر حملہ کرکےقیمتی اشیا ءچرانے والا مرکزی ملزم گرفتار
پشاور(ڈیلی پاکستان آن لائن) 9 مئی کو پشاور میں ریڈیو پاکستان کی عمارت میں توڑ پھوڑ کرنے اور قیمتی اشیا ءچرانے والا مرکزی ملزم گرفتار ہوگیا۔
ترجمان خیبرپختونخوا پولیس کے مطابق ریڈیو پاکستان میں توڑ پھوڑ اور آتشزدگی کرنے والے مرکزی ملزم کو چار سدہ سے گرفتار کیا گیا ہے، جس کے قبضے سے چوری شدہ قیمتی ٹیپ ریکارڈر، مائیکرو فون، کیبل اور3 مائیکس سمیت دیگر قیمتی سامان برآمد ہوا ہے۔پولیس کا کہنا ہے کہ ملزم کے خلاف تھانہ شرقی میں9 اور 10 مئی کو جلاؤ گھیراؤ کا مقدمہ درج تھا، گرفتار ملزم سے مزید تفصیل کا عمل جاری ہے، جس کے دوران اہم انکشافات کی توقع ہے۔
