بچوں کے ڈبے والے دودھ سمیت روز مرہ استعمال کی مختلف اشیاءپر کتنا ٹیکس عائد کیئے جانے کی تجویز ہے ؟ پریشان کن خبر
اسلام آباد(ڈیلی پاکستان آن لائن ) آئندہ مالی سال کے بجٹ میں مختلف اشیاءپر ٹیکس بڑھانے اور برقرار رکھنے کی تجویز ہے۔
نجی ٹی وی جیونیوز نے ایف بی آر ذرائع سے دعویٰ کیاہے کہ آئندہ بجٹ میں بچوں کے امپورٹڈ دودھ پر سیلز ٹیکس بڑھانے کی تجویز ہے جس کے تحت امپورٹڈ ڈبے کے دودھ پر سیلز ٹیکس 12 سے بڑھا کر 18 فیصد کیے جانے کا امکان ہے۔ذرائع کے مطابق ڈبے میں بند گوشت اور مچھلی پر سیلز ٹیکس 18 فیصد کرنے کی تیاریاں جارہی ہیں جب کہ ڈبے میں بند مرغی اور اس کی دیگر اشیاءپر بھی سیلز ٹیکس 18 فیصد کرنے کی تجویز ہے۔
ذرائع کا بتانا ہے کہ روز مرہ استعمال کی اشیاءپر سیلز ٹیکس 18 فیصد پر برقرار رکھا جائے گا جب کہ چائے، چینی، جام، جیلی پر بھی سیلز ٹیکس کی شرح 18 فیصد پر برقرار رکھنے کی تیاری کی جارہی ہے۔ذرائع کے مطابق صابن، سرف، برتن دھونے کے لیکوڈ، ٹوتھ پیسٹ، ٹوتھ برش اور ماو¿تھ فریشنر پر سیلز ٹیکس 18 فیصد برقرار رکھنے کا امکان ہے۔
