انڈونیشیا میں7.9کی شدت کا زلزلہ

انڈونیشیا میں7.9کی شدت کا زلزلہ

  

جکارتہ(اے این این)امریکی ارضیاتی سروے کے مطابق انڈونیشیا کے مغربی ساحل پر 7.9شدت کا زلزلہ آیا ہے۔فوری طوری پر کسی نقصان کی اطلاع موصول نہیں ہوئی تاہم شدید جانی اور مالی نقصان کا خدشہ ہے ۔امریکی ارضیاتی سروے کا کہنا ہے کہ زلزلہ مقامی وقت کے مطابق شام سات بج کر 49 منٹ (12:49 GMT) پر آیا۔یو ایس ایس جی کا کہنا ہے کہ زلزلے کا مرکز جنوب مغرب میں 808 کلومیٹر دور پاڈانگ شہر میں تھا اور اس کی گہرائی دس کلومیٹر تھی۔انڈونیشیا میں حکام نے مغربی سماٹرا، شمالی سماٹرا اور آچے میں سونامی کی وارننگ بھی جاری کر دی ہے۔آسٹریلیا نے بھی پرتھ سمیت کوکوس جزیرے اور کرسمس جزیرے میں سونامی کی انتباہ جاری کیا ہے۔آسٹریلیا کے بیورو آگ میٹرولوجی کا کہنا ہے کہ جزائر سے لوگوں کے انخلا کی ضرورت نہیں ہے تاہم اس نے لوگوں پانی سے دور رہنے کی ہدایت کی ہے کیونکہ خطرناک لہروں کا خطرہ ہے۔خبررساں ادارے اے ایف پی کے مطابق پاڈانگ میں چند سیکنڈز تک شدید زلزلہ محسوس کیا گیا اورلوگ گھروں سے باہر نکل آئے۔اس موقع پر ٹریفک رک گئی اور گلیوں اور سڑکوں پر خوف چھا گیا۔خیال رہے کہ سنہ 2004 میں شدید ترین سونامی سے دو لاکھ سے زائد افراد ہلاک ہوگئے تھے۔اس آفت کے بعد سونامی کو مانیٹر کرنے کے لیے موثر نظام متعارف کروایا گیا ہے۔ اب خطے میں سمندر میں زلزلوں کے بعد اکثر اوقات سونامی کی وارننگ جاری کی جاتی ہے۔

مزید :

صفحہ اول -