بنی گالا کیس پرانا اور پیچیدہ ہے ،دانیال عزیز

بنی گالا کیس پرانا اور پیچیدہ ہے ،دانیال عزیز

اسلام آباد (این این آئی)وفاقی وزیر نجکاری دانیال عزیز نے کہا ہے کہ بنی گالا کیس پرانا اور پیچیدہ ہے، میرا خیال ہے بنی گالا کیس میں تو پیشیاں بھی ہوئی تھیں۔فیڈرل جوڈیشل کمپلیکس کے باہر میڈیا سے گفتگو میں دانیال عزیز نے کہا کہ جو اشتہاری قانون کی عزت نہیں کرتا اسکے ساتھ قانونی پراسس میں نہیں جاسکتے۔انہوں نے کہابنی گالا ریکارڈ سے متعلق اٹارنی جنرل اور ضلعی انتظامیہ نے عدالت کو جو بتایا وہ میڈیا میں آیا۔ عمران خان پاناما کیس عدالت میں لائے، لاک ڈاؤن کے ذریعے اس پٹیشن پر کارروائی کا آغاز ہوا۔دانیال عزیز نے کہا کہ توہین عدالت سول ،جوڈیشل اور کرمنل نوعیت کی ہوتی ہیں،کرمنل توہین عدالت وہ ہوتی ہے جب آپ عدالت کے کام میں مداخلت کرتے ہیں۔ عمران خان کے اشتہاری ہونے کے بعد جو ہوا عوام دیکھ رہے ہیں، سوال تو اٹھیں گے۔

دانیال عزیز

مزید : کراچی صفحہ اول