شاہد آفریدی کے گھٹنے میں تکلیف، ایم آر آئی میں ایسا انکشاف سامنے آ گیا کہ کراچی کنگز کی ہوائیاں اڑ گئیں، کیا اب وہ پی ایس ایل میں کھیل پائیں گے؟ مداحوں کیلئے پریشان کن خبر آ گئی

شاہد آفریدی کے گھٹنے میں تکلیف، ایم آر آئی میں ایسا انکشاف سامنے آ گیا کہ ...
شاہد آفریدی کے گھٹنے میں تکلیف، ایم آر آئی میں ایسا انکشاف سامنے آ گیا کہ کراچی کنگز کی ہوائیاں اڑ گئیں، کیا اب وہ پی ایس ایل میں کھیل پائیں گے؟ مداحوں کیلئے پریشان کن خبر آ گئی

  

شارجہ (ڈیلی پاکستان آن لائن) پاکستان سپر لیگ (پی ایس ایل) میں کراچی کنگز کی نمائندگی کرتے ہوئے عمدہ کارکردگی دکھانے والے شاہد خان آفریدی بھی انجری کا شکار ہو گئے ہیں اور اب ان کی ایم آر آئی رپورٹ میں ایسا انکشاف سامنے آیا ہے کہ کراچی کنگز کی بھی ہوائیاں اڑ گئی ہیں۔

یہ بھی پڑھیں۔۔۔”لاہور قلندرز اور امپائرز کی یہ سنگین ترین غلطی شکست کی وجہ بنی کیونکہ جب فخر زمان ۔۔۔“ پی ایس ایل میچ میں بڑا ”بلنڈر“ ہو گیا، لاہور قلندرز اور امپائرز نے کیا غلطی کی؟ جان کر فواد رانا اور لاہوری مداح تو کیا ہر پاکستانی غصے سے آگ بگولہ ہو جائے گا 

شاہد آفرید ی کو گزشتہ کئی روز سے گھٹنے میں تکلیف تھی جس کے باعث وہ گزشتہ میچ بھی مکمل نہیں کھیل پائے تھے۔ شاہد آفریدی کے گھٹنے کی ایم آر آئی میں بھی سوجن سامنے آئی ہے جس کے بعد ڈاکٹرز نے انہیں 10 روز تک آرام کا مشورہ دیا ہے جس کے باعث کراچی کنگز کی ٹیم کچھ پریشان ہے۔

پی ایس ایل میں اب تک تمام ٹیمیں 4,4 میچ کھیل چکی ہیں اور تمام ٹیموں کے 10,10 میچ ہیں اور اگر شاہد آفریدی ڈاکٹر کی ہدایات کے مطابق آرام کریں تو وہ 12 مارچ تک کسی میچ میں شریک نہیں ہوں گے جبکہ اس تمام عرصے کے دوران کراچی کنگز نے 3 میچ کھیلنے ہیں جس کا مطلب ہے ان تین میچوں میں شاہد آفریدی ٹیم کا حصہ نہیں ہوں گے۔

ڈیلی پاکستان کا یوٹیوب چینل سبسکرائب کرنے کیلئے یہاں کلک کریں

شاہد آفریدی نے گزشتہ روز سوشل میڈیا پر اپنے پیغام میچ دیکھنے کیلئے آنے والے فینز سے معذرت بھی کی تھی لیکن یہ الگ بات ہے کہ بارش کے باعث ملتان سلطانز اور کراچی کنگز کا میچ ہی نہیں ہو پایا اور دونوں ٹیموں کو ایک ایک پوائنٹ دیدیا گیا۔ ان کا کہنا تھا کہ گھٹنے کی ایم آر آئی رپورٹ کرائی ہے ، دعاؤں کی درخواست ہے اور امید ہے کہ جلد فٹ ہو کر دوبارہ ایکشن میں نظر آؤں  گا۔

پاکستان سپر لیگ کی انتظامیہ نے بھی سوشل میڈیا کے ذریعے شاہد آفریدی کے گھٹنے میں سوجن کی تصدیق کرتے ہوئے کہا کہ مزید ٹیسٹ کے ذریعے سے پوزیشن بالکل واضح ہو جائے گی تاہم انہیں چند روز آرام کا مشورہ دیا گیا ہے جبکہ ذرائع کا کہنا ہے کہ کراچی کنگز کی ٹیم شاہد آفریدی کو کسی مشکل میں ڈالنے کے بجائے انہیں مکمل آرام دینے کی خواہش مند ہے تاکہ وہ صحت یاب ہو کر ہی ٹیم کا حصہ بنیں۔

واضح رہے کہ شاہد آفریدی نے اب تک اس ٹورنامنٹ میں تین میچز میں 6 وکٹیں حاصل کر رکھی ہیں اور وہ عمران طاہر کے بعد عمید آصف کے ہمراہ سب سے زیادہ وکٹیں حاصل کرنے والے بائولر ہیں۔ 

مزید : کھیل /PSL /PSL News Update