کین ولیمسن کے ناقابل شکست 112رنز رائیگاں ،سنسنی خیز مقابلے کے بعد انگلینڈ4رنز سے کامیاب

کین ولیمسن کے ناقابل شکست 112رنز رائیگاں ،سنسنی خیز مقابلے کے بعد انگلینڈ4رنز ...
کین ولیمسن کے ناقابل شکست 112رنز رائیگاں ،سنسنی خیز مقابلے کے بعد انگلینڈ4رنز سے کامیاب

روزنامہ پاکستان کی اینڈرائیڈ موبائل ایپ ڈاؤن لوڈ کرنے کے لیے یہاں کلک کریں۔

ویلینگٹن(ڈیلی پاکستان آن لائن)نیوزی لینڈاور انگلینڈ کے درمیان کھیلے جانے والے پانچ ایک روزہ میچز کی سیریز کے تیسرے میچ میں سنسنی خیزمقابلے کے بعد انگلینڈ 4رنز سے کامیاب رہی ،انگلینڈ کی جانب سے 235کے ہدف میں نیوزی لینڈ 230رنز ہی بناپائی۔

ویلینگٹن میں کھیلے جانے والے میچ میں نیوزی لینڈ نے ٹاس جیت کر پہلے فیلڈنگ کا فیصلہ کیا تو انگلینڈ کی ٹیم 234رنز تک ہی محدوو رہی ،ان کی اننگ میں این مورگن 48،بین سٹوکس39،جوئی بٹلر29اور معین علی کے 23رنز نمایاں رہے ۔

نیوزی لینڈ کی جانب سے ایش سودھی نے3 ،ٹرینٹ بولٹ نے 2اور ٹیم ساﺅتھی اور کولن ڈی گرینڈ ہوم نے ایک ،ایک وکٹ حاصل کی۔

ہدف کے تعاقب میں نیوزی لینڈ کی ٹیم شروع سے ہی لڑکھڑا گئی لیکن ولیمسن ایک اینڈ پر ڈٹے رہے جبکہ انہیں کچھ سپورٹ کولن منارواورمچل سینٹر نے بھی لیکن ٹیم میں کامیابی دلانے میں ناکام رہے اور پوری ٹیم مقررہ اوورز میں 8وکٹوں کے نقصان پر230رنز ہی بناپائی۔

انگلینڈ کی جانب سے معین علی نے 3،جبکہ عادل راشداور کرس وہوکس نے 2,2وکٹیں حاصل کی ۔

پانچ میچز کی سیریز میں انگلینڈ کو 2-1سے برتری حاصل ہے۔

مزید : کھیل