پرنس ہیری اور مرکل کی شادی میں1200عوامی مہمان مدعو

پرنس ہیری اور مرکل کی شادی میں1200عوامی مہمان مدعو
پرنس ہیری اور مرکل کی شادی میں1200عوامی مہمان مدعو

روزنامہ پاکستان کی اینڈرائیڈ موبائل ایپ ڈاؤن لوڈ کرنے کے لیے یہاں کلک کریں۔

لندن(یواین پی)پرنس ہیری اور میگھان مرکل کی شادی کیلئے 1200عام افراد کو ونسر کاسل کے گراؤنڈز پر مدعو کیا گیا ہے۔ کنسنگٹن پیلس نے کہا کہ یہ افراد دولہا اور دلہن کی آمد اور رخصتی کو دیکھ سکیں گے۔ 

تفصیلات کے مطابق عوام سے 1200افراد کو دعوت نامے بھیجے گئے ہیں جن میں مختلف عمروں اور بیک گراؤنڈ کے لوگ شامل ہیں۔ 200افراد چیرٹیز610ونسر کاسل کمیونٹی ممبرز،550رائل فیملی ارکان کراؤن سٹیٹ اور 100لوکل سکول چلڈرن شامل ہیں۔ پرنس ہیری اور میگھان مرکل کی شادی19مئی کو سینٹ جارج چیپل ونسر کاسل میں دوپہر میں ہوگی۔ شاہی جوڑا ایک بجے دوپہر برک شائر میں کیرج میں سفر کرے گا اور شادی کی تقریب میں مدعو کیے گئے افراد شاہی جوڑے کی جھلک دیکھ سکیں گے۔ پیلس نے گزشتہ ماہ تصدیق کی تھی کی آرچ بشپ کنٹربری جسٹن ویلبی شادی کرانے کا فریضہ انجام دیں گے، جبکہ سینٹ جارج چیپل میں ڈین آف ونسر ڈیوڈ کونر سروس کو کنڈکٹ کریں گے۔ چیپل میں 800افراد کی گنجائش ہے اور یہ تعداد ویسٹ منسٹر ایبے میں ڈیوک اینڈ ڈچز آف کیمبرج کی شادی کی سروس سے زیادہ ہے۔پیلس حکام کا کہنا ہے کہ19مئی کو ہونے والی رائل ویڈنگ کیلئے مجموعی طور پر2640افراد کو گراؤنڈز تک رسائی دی گئی ہے۔ کنسنگٹن پیلس کے ایک بیان میں کہا گیا کہ پرنس ہیری اور میگھان مرکل کی خواہش ہے کہ شاہی شادی کی اس تقریب میں عوام بھی خود کو اس کا حصہ سمجھیں گے۔ شادی تمام دوسری شادیوں کی طرح ہوگی، جس میں فن اور جوائے ہوگا اور اس تقریب میں دولہا، دلہن کی روایات بھی نظر آئیں گی۔

لائیو ٹی وی دیکھنے کے لئے اس لنک پر کلک کریں

مزید : بین الاقوامی