پیٹرولیم لیوی بڑھانے سے عوام پر بوجھ پڑے گا،سینیٹرشیری رحمان

  پیٹرولیم لیوی بڑھانے سے عوام پر بوجھ پڑے گا،سینیٹرشیری رحمان

  



اسلام آباد(آئی این پی) پیپلز پارٹی کی مرکزی رہنما سینیٹر شیری رحمان نے کہا ہے کہ حکومت نے پیٹرولیم لیوی 106 فیصد تک بڑھا دی ہے، پیٹرولیم لیوی بڑھانے سے عوام پر بوجھ پڑے گا۔ اپنے بیان میں سینیٹر شیری رحمان نے کہا کہ عالمی منڈی میں تیل کی قیمتیں کم ہو رہی ہیں،نیا پاکستان میں پیٹرولیم مصنوعات پر ٹیکس بڑھ رہے ہیں،پیٹرولیم مصنوعات سستی ہونی چاہئیں۔انہوں نے کہا کہ 4 کھرب 80 ارب روپے کا ریونیو شارٹ فال حکومت اپنی نااہلی کی وجہ سے ہے،حکومت اپنی نااہلی کی سزا عوام کو دے رہی ہے؟ پیٹرولیم لیوی بڑھانے سے عوام پر بوجھ پڑے گا۔ پیپلز پارٹی کے دور میں تیل کی عالمی منڈی میں قیمت 120 ڈالر فی بیرل تھی لیکن ملک میں تیل کی قیمت 63 روپے لٹر رہی۔ سینیٹر شیری رحمان نے کہا کہ اس وقت عالمی منڈی میں تیل کی قیمت 50 ڈالر فی بیرل ہے،مہنگائی سرکار عوام پیٹرول 112 روپے لیٹر بیچ رہی ہے۔ عالمی منڈی میں تیل کی قیمت میں 19 فیصد کمی ہوئی ہے،مہنگائی سرکار نے پیٹرولیم مصنوعات میں صرف 4 فیصد کمی کی ہے، حکومت نے ملکی زراعت اور صنعت کو تباہ کر دیا ہے۔

شیری رحمان

مزید : صفحہ آخر