رواں برس حج کے خواہشمند افراد کو یہ کام ہرصورت کرنا ہوگا، سعودی وزارت صحت نے دوٹوک اعلان کردیا

رواں برس حج کے خواہشمند افراد کو یہ کام ہرصورت کرنا ہوگا، سعودی وزارت صحت نے ...
رواں برس حج کے خواہشمند افراد کو یہ کام ہرصورت کرنا ہوگا، سعودی وزارت صحت نے دوٹوک اعلان کردیا

  

ریاض (ویب ڈیسک) سعودی عرب نے رواں برس حج کرنے والے عازمین کے لیے کورونا ویکسین کو لازمی قرار دے دیا، سعودی وزارت صحت کے حکام کا کہنا ہےکہ رواں برس حج کرنے کے خواہشمند افراد کے لیے کورونا ویکیسن کی شرط کو لازمی قرار دیا گیا ہے اور ویکسین کے بغیر کسی کو بھی حج کرنے کی اجازت نہیں ہو گی۔

دوسری جانب سعودی عرب کے وزیر صحت ڈاکٹر توفیق الربیعہ کا کہنا ہے کہ رواں برس حج کے موقع پر ذمہ داریاں ادا کرنے والے ہیلتھ ورکرز کے لیے بھی کورونا ویکسین لازمی ہو گی کیونکہ انہوں نے لوگوں کو مکہ، مدینہ اور انٹری پوائنٹس پر طبی سہولیات فراہم کرنی ہیں۔

سعودی وزارت صحت کے ترجمان ڈاکٹر محمد العبد العلی کا کہنا ہے کہ جن لوگوں نے کورونا کی مکمل ویکسینیشن کی ہو گی ان کے لیے قرنطینہ بھی لازمی نہیں ہو گا۔ترجمان سعودی وزارت صحت کا مزید کہنا ہے کہ عالمی وبا کورونا کے کیسز آئے روز اوپر نیچے جارہے ہیں لہذا ہم مجموعی صورتحال پر نظر رکھے ہوئے ہیں۔

خیال رہے کہ کورونا وائرس کے خدشے کے پیش نظر گزشتہ برس سعودی عرب نے محدود پیمانے پر لوگوں کو حج کی اجازت دی تھی۔

مزید :

عرب دنیا -کورونا وائرس -