دکاندار کی بہادری، مسلح ڈاکو کو دبوچ لیا، ویڈیو وائرل

دکاندار کی بہادری، مسلح ڈاکو کو دبوچ لیا، ویڈیو وائرل

  

کراچی (اسٹاف رپورٹر)کراچی کے شہری خود جرائم پیشہ عناصر کا مقابلہ کرنے لگے، ڈکیتی کیلئے آنے والا خود شہریوں کے ہتھے چڑھ گیا، لوگوں نے درگت بنا ڈالی۔تفصیلات کے مطابق کراچی کے علاقے گلبہار فردوس کالونی کی سرامک مارکیٹ میں دکاندار نے بہادری کا ثبوت دیتے ہوئے ڈکیتی کے لئے آنے والے ڈاکو کو دھرلیا۔دکاندار اور اس کے ساتھیوں نے ڈاکو کو مار مار کر لہو لہان کردیا، ڈاکو کے پکڑے جانے کی سی سی ٹی وی فوٹیج منظرعام پر آگئی ہے۔سی سی ٹی وی فوٹیج میں دیکھا جاسکتا ہے کہ مسلح ملزم اچانک الیکٹرونکس کی دکان میں داخل ہوا، ملزم اسلحہ لہرا لہرا کر موبائل فون اور کیش مانگتا رہا۔دکان کے ملازم نے ڈاکو کو موقع ملتے ہی دبوچ لیا، دیگر افراد بھی مدد کے لیے آگے بڑھے اور ڈاکو کو پکڑ لیا، مشتعل دکانداروں کو ڈاکو پر تشدد کرتے دیکھا جاسکتا ہے۔

مزید :

پشاورصفحہ آخر -