بھارتی معاشرہ جنس زدہ اور بوسیدہ ہوچکا،شرم آتی ہے: اداکارہ ریچا چڈھاکا اعتراف

بھارتی معاشرہ جنس زدہ اور بوسیدہ ہوچکا،شرم آتی ہے: اداکارہ ریچا چڈھاکا ...
بھارتی معاشرہ جنس زدہ اور بوسیدہ ہوچکا،شرم آتی ہے: اداکارہ ریچا چڈھاکا اعتراف

  IOS Dailypakistan app Android Dailypakistan app

 ممبئی(ڈیلی پاکستان آن لائن )بھارتی ریاست جھاڑ کھنڈ میں غیر ملکی خاتون سیاح کے ساتھ اجتماعی زیادتی پر شدید غصے کا اظہار کرتے ہوئے اداکارہ ریچا چڈھا نے کہا کہ مجھے ہمارے بوسیدہ اور جنس زدہ معاشرے پر شرم آتی ہے۔
نجی ٹی وی ایکسپریس نیوز کے مطابق بھارتی میڈیا نے بتایا کہ اداکارہ ریچا چڈھا نے سوشل میڈیا پر اپنی پوسٹ میں لکھا کہ بھارتی اپنے ملک میں غیر ملکیوں کے ساتھ ایسا سلوک کر رہے ہیں جیسا وہ اپنی خواتین کے ساتھ برتاو¿ رکھتے ہیں، ان پر تشدد کرتے ہیں اور جنسی زیادتی کا نشانہ بناتے ہیں۔اداکارہ ریچا چڈھا نے مزید لکھا کہ یہ بہت شرمناک بات ہے، ایک غیر ملکی خاتون سیاح کو 7 افراد نے اجتماعی زیادتی کا نشانہ بنایا، یہ ایک بوسیدہ معاشرے کی نشانی ہے۔
خیال رہے کہ جمعے کی رات جھاڑ کھنڈ کے ایک سنسان علاقے میں اپنے عارضی خیمے میں رات گزارنے کے لئے قیام کرنے والے ہسپانوی جوڑے پر 7 افراد نے حملہ کرکے خواتین کو زیادتی اور ان کے شوہر کو تشدد کا نشانہ بنایا۔ہسپانوی جوڑا موٹر سائیکل پر بنگلہ دیش سے جھارکھنڈ پہنچا تھا اور بہار کے راستے نیپال جا رہے تھے۔ 28 سالہ بیوی اور 64 سالہ شوہر کو شدید چوٹوں کے باعث ہسپتال میں داخل کرنا پڑا۔پولیس کا کہنا ہے کہ اس معاملے میں 3 افراد کو گرفتار کرلیا ہے جب کہ دیگر افراد کی تلاش میں چھاپا مار کارروائی جارہی ہے۔
یاد رہے کہ بھارت کو دنیا بھر میں خواتین کے لئے غیر محفوظ ہونے کی وجہ سے ریپستان کا نام بھی دیا جاتا ہے۔

مزید :

تفریح -قومی -