فیس بک پر لائک نے چور کو حوالات پہنچادیا
واشنگٹن(ویب ڈیسک) کبھی کبھی چھوٹی سی غلطی بھی انسان کو بڑی مشکل میں ڈال سکتی ہے ایسا ہی کچھ کیا امریکا میں ایک چور نے جو سماجی رابطے کی ویب سائٹ پر اپنی ہی تصویر کو لائک کربیٹھا جس سے وہ قانون کے شکنجے میں آگیا۔ لیوی چارلس نامی امریکی شہری نے چند ماہ قبل ایک بٹوا چوری کیا جس میں کچھ چیکس بھی موجود تھے اس واردات کے بعد پولیس کی جانب سے اس چور کی گرفتاری کے لیے ایک اشتہار سماجی رابطے کی ویب سائٹ فیس بک پرجاری کیا گیا جسے اس ملزم نے بے دھڑک لائیک کردیا اوروہ قانون کے شکنجے میں آگیا۔ پولیس کے مطابق 23 سالہ یہ شخص 2400 ڈالر کے فراڈ میں ملوث ہے جس کی گرفتاری کے لیے فیس بک پراس کی تصویر کیساتھ تفصیلات بھی جاری کی گئی تھیں۔
