ٹوتھ پیسٹ کی ٹیوب کے پیندے پر مختلف رنگوں کے ان نشانات کا مطلب کیا ہوتا ہے؟ جان کر آپ بھی اپنا ٹوتھ پیسٹ چیک کرنے کو بھاگیں گے

ٹوتھ پیسٹ کی ٹیوب کے پیندے پر مختلف رنگوں کے ان نشانات کا مطلب کیا ہوتا ہے؟ ...
ٹوتھ پیسٹ کی ٹیوب کے پیندے پر مختلف رنگوں کے ان نشانات کا مطلب کیا ہوتا ہے؟ جان کر آپ بھی اپنا ٹوتھ پیسٹ چیک کرنے کو بھاگیں گے

  

لاہور( مانیٹرنگ ڈیسک) دانتو ں کو سفید، چمکدار اور مضبوط بنانے کیلئے مارکیٹ میں کئی قسم کے ٹوتھ پیسٹ دستیاب ہیں۔ ہر خاص و عام کے گھر میں ٹوتھ پیسٹ کا استعمال تو ہوتا ہی ہے لیکن کیا آپ نے کبھی اپنے ٹوتھ پیسٹ کی ٹیوب کے پیندے پر مختلف رنگوں کے ان نشانات کو دیکھا ہے؟ کیا آپ کو معلوم ہے کہ ان رنگوں کا مطلب کیا ہوتا ہے؟ مختلف قسم کے برانڈزکی ٹیوبز پر ان کے اجزاء کی بنیاد پر مختلف رنگ استعمال کیے جاتے ہیں جن میں ’سرخ، سیاہ، نیلا اور سبز‘ رنگ شامل ہیں۔ یہ رنگ اس لئے استعمال کئے جاتے ہیں تاکہ آپ ٹیوب دیکھ کر باآسانی اس کے اجزا ء کے بارے میں جان سکیں۔

پیسٹ کے پیندے پر پرنٹ کئے گئے رنگوں کا مطلب مندرجہ ذیل ہے

سرخ رنگ کا مطلب ہے کہ آپ کا ٹوتھ پیسٹ قدرتی اور کیمکلزدونوں قسم کے اجزاء پر مشتمل ہے۔

سیاہ رنگ ظاہر کرتا ہے کہ آپ کا ٹوتھ پیسٹ مکمل طور پر کیمکلز سے تیار کردہ ہے۔

نیلے رنگ کا مطلب ہے کہ ٹوتھ پیسٹ قدرتی اجزاء اور ادویات کا مرکب ہے۔

سبز رنگ کا مطلب ہے کہ آپ کا ٹوتھ پیسٹ مکمل طور پر قدرتی اجزاء سے تیارہ کردہ ہے۔

تو آپ کے ٹوتھ پیسٹ پر کون سا رنگ موجود ہے؟؟؟

 نوٹ:  کچھ حلقوں کا  خیال ہے  کہ ان رنگوں کا آپ کے ٹوتھ پیسٹ کے اجزائے ترکیبی سے کوئی لینادینا نہیں ہے کیونکہ ٹوتھ پیسٹ تیار کرنے والی کمپنیوں کی جانب سے ٹیوب یا اس کی پیکنگ پر  ٹوتھ پیسٹ میں شامل اجزاء واضح طور پر درج کئے گئے ہوتے ہیں تاہم  اب یہ بات آپ پر منحصر ہے  کہ آپ ان دونوں باتوں کو کس قدر تسلی بخش سمجھتے ہیں۔

مزید :

ڈیلی بائیٹس -