اسپین میں چھوٹا طیارہ گرکرتباہ،تین جرمن شہری ہلاک

اسپین میں چھوٹا طیارہ گرکرتباہ،تین جرمن شہری ہلاک

  

میڈرڈ(این این آئی)اسپین کے معروف سیاحتی شہر مالاگا کے قریب چھوٹے طرز کے ایک طیارے کے حادثے میں تین افراد ہلاک ہو گئے ۔غیرملکی ذرائع ابلاغ کے مختلف اداروں کے مطابق مرنے والوں کا تعلق جرمنی سے تھا۔ جائے حادثہ سے ملنے والے شاختی دستاویزات سے اندازہ لگایا گیا ہے کہ مرنے والے تینوں جرمن شہری تھے۔ اطلاعات کے مطابق غالباً یہ چھوٹا طیارہ فرانس سے ہسپانوی شہر غرناطہ کی طرف پرواز کر رہا تھا اور درمیان میں اس نے اسپین کے جنوب مشرقی ساحلی علاقے کے ایک بندرگاہی شہر ایلیکانتے میں ایندھن بھرنے کے لیے لینڈگ بھی کی تھی۔حکام نے مزید بتایا کہ کئی گھنٹوں کی امدادی کارروائیوں کے بعد ان تینوں کی لاشیں نکالی گئیں۔ ان لاشوں کو ایک قریبی ہسپتال منتقل کر دیا گیا ہے، جہاں ان کا پوسٹ مارٹم کیا جائے گا۔ بتایا گیا ہے کہ پہاڑی علاقے پر سے پرواز کے دوران اس جہاز کا رابطہ کنٹرول ٹاور سے منقطع ہو گیا تھا۔ ابھی تک اس حادثے کی وجہ معلوم نہیں ہو سکی ہے تاہم حکام نے تحقیقات کا حکم دے دیا ہے۔

مزید :

عالمی منظر -