’’مزدوروں کا عالمی دن‘‘
جی ایم پی ٹی وی لاہور مرکز عبد الحمید قاضی کا ورکز کے ساتھ اظہار یکجہتی
مزدوروں کے عالمی دن کے موقع پر پاکستان ٹیلیویژن کی سی بی اے یونین کے مرکزی صدر جہانگیر خان کی زیر صدارت اجلاس میں پی ٹی وی لاہور کے جنرل منیجر عبدالحمید قاضی نے یونین آفس آکرپی ٹی وی کے مزدوروں کے ساتھ اظہاریکجہتی کیا اور ان کے جائز مطالبات کے حل میں بھرپور تعاون کا یقین دلایا ۔جہانگیر خان اور دیگر عہدیداران نے پی ٹی وی لاہور کو مالی بحران سے نکالنے اورایم ڈی پی ٹی وی احمد نواز سکھیرا کے ویژن کی تکمیل کیلئے کرپشن مافیا کے خلاف جہاد پر جی ایم لاہور کو خراج تحسین پیش کیا اور اپنے بھرپور تعاون کا بھی یقین دلایا ۔ مرکزی صدر نے لیبر ڈے کی مناسبت سے ایم ڈی پی ٹی وی احمد نواز سکھیرا سے مطالبہ کیا کے 2012 میں بھرتی ہونے والے ملازمین کو فی الفور مستقل کیا جائے اور 2008 میں مستقل ہونے والے پی ٹی وی ملازمین کو پنشن کا حق دیا جائے ۔ اجلاس کے بعد مرکزی صدر جہانگیر خان کی قیادت میں پی ٹی وی ملازمین نے دنیا بھر کے مزدور وں سے اظہارِ یکجہتی کیلئے لاہور سینٹر سے پریس کلب تک ریلی نکالی اور پی ٹی وی سینٹرل ایمپلائز یونین کے سرپرست اعلیٰ ، مرکزی جنرل سیکریٹری پاکستان نیشنل ٹریڈ یونین فیڈریشن ملک شبیر احمد کی زیر قیادت مختلف لیبر یونینز کے ملازمین کی پریس کلب سے لیبر ہال تک ریلی میں شرکت کی اور اپنے مطالبات کے حق میں تقریریں کیں اور نعرے لگائے ۔فیڈریشن کے جنرل سیکریٹری ملک شبیر احمدنے وزیرِ اعظم پاکستان سے مطالبہ کیا کہ بڑے سرمایہ داروں، تاجروں اور جاگیر داروں سے ٹیکس کی وصولی میں شفافیت لائی جائے اور مزدور کی کم از کم تنخواہ 30ہزار مقرر کی جائے ۔
