عدالت کی توہین نہیں کی،عدالت نے بلایا ہے، حاضر ہو جاوں گا، احسن اقبال

عدالت کی توہین نہیں کی،عدالت نے بلایا ہے، حاضر ہو جاوں گا، احسن اقبال

  

اسلام آباد(صباح نیوز)وفاقی وزیر داخلہ احسن اقبال نے کہا کہ انہوں نے عدالت کی توہین نہیں کی، عدالت نے بلایا ہے تو وہ حاضر ہو جائیں گے۔اسلام آباد میں یو این ڈی پی کے زیر اہتمام تقریب سے خطاب کے بعد میڈیا سے گفتگو کرتے ہوئے وفاقی وزیرداخلہ احسن اقبال نے کہا کہ نیب نے نارووال کے جس اسپورٹس سٹی کمپلیکس کے بارے میں نوٹس لیا ہے وہ پاک بھارت سرحد سے 400میٹر نہیں بلکہ 10کلومیٹر فاصلے پر ہے ۔انہوں نے کہا کہ لاہور ڈی ایچ اے تو سرحد کے ساتھ ہے، انہوں نے سوال کیا کہ کیا سرحد کے ساتھ واقعہ علاقوں میں ترقی نہیں ہونی چاہیے ؟قبل ازیں تقریب سے خطاب کرتے ہوئے انہوں نے کہا کہ آج کا پاکستان ڈوبتا ہوا نہیں بلکہ ابھرتا ہوا پاکستان ہے۔ آج کا پاکستان سال 2013 کے پاکستان سے بہت بہتر ہے

احسن اقبال

مزید :

کراچی صفحہ اول -