نبیل گبول کا بیٹا قانون کے شکنجے میں،ہٹ اینڈرن کیس میں عبوری ضمانت منظور

نبیل گبول کا بیٹا قانون کے شکنجے میں،ہٹ اینڈرن کیس میں عبوری ضمانت منظور

  

کراچی(اسٹاف رپورٹر)پاکستان پیپلز پارٹی کے رہنما نیبل گبول کا بیٹا نادر گبول بھی قانون کے شکنجے میں آ گیا، ان کے خلاف تھانے میں ہٹ اینڈ رن کا مقدمہ درج کیا گیا ہے، جس میں عدالت نے ان کی عبوری ضمانت منظور کر لی ہے۔تفصیلات کے مطابق نبیل گبول کے بیٹے نادر گبول کے خلاف ڈسٹرکٹ ساتھ ساحل تھانے میں موٹر سائیکل کر ٹکر مار کر بھاگنے کا مقدمہ درج کیا گیا ہے، مدعی کا کہنا تھا کہ نادر گبول نے گاڑی سے میری موٹر سائیکل کو ہٹ کیا اور فرار ہو گیا۔مدعی کی جانب سے تھانے میں درج ایف آئی آر میں کہا گیا ہے کہ نادر گبول نے اوورٹیک کر کے انھیں زخمی کیا، 3 اپریل کو 26 اسٹریٹ پر موٹر سائیکل پر جا رہا تھا، اسی روڈ پر نبیل گبول کا بیٹا نادر گبول کالے رنگ کی موڈیفائیڈ گاڑی چلا رہا تھا، گاڑی پر نمبر پلیٹ بھی نہیں لگی تھی، نادر گبول نے اپنی بڑی گاڑی سے میری موٹر سائیکل کو ہٹ کیا اور موقع سے فرار ہو گیا۔مدعی نے بتایاکہ گاڑی کی ٹکر لگنے سے میں موٹر سائیکل سمیت خالی پلاٹ میں جا گرا، سلپ ہونے سے پورے جسم اور موٹر سائیکل کو نقصان پہنچا، میں نے گاڑی کا پتا چلایا اور نادر گبول سے رابطہ کیا، انھوں نے کہا میں ہی گاڑی چلا رہا تھا. مدعی نے پولیس کو درخواست دیتے ہوئے نادر گبول کے خلاف سخت کارروائی کی استدعا کی۔دریں اثنا، نیبل گبول کے بیٹے کے خلاف ہٹ اینڈ رن کیس میں کراچی کی عدالت نے نادر گبول کی عبوری ضمانت منظور کر لی، اور 20 ہزار کے مچلکے جمع کرانے کا حکم جاری کر دیا۔

مزید :

صفحہ آخر -