"کراچی میں بھی شیخ رشید کے خلاف مقدمہ درج ہونے والا تھا لیکن بلاول ۔ ۔ ۔" حامد میر نے تہلکہ خیز انکشاف کردیا
اسلام آباد ( ڈیلی پاکستان آن لائن ) سابق وفاقی وزیر داخلہ شیخ رشید پر ملک کے مختلف شہروں میں مقدمات درج ہو نے کا سلسلہ جاری ہے ، ایسے میں سینئر صحافی حامد میر نے انکشاف کیا کہ کراچی میں بھی شیخ رشید کے خلاف مقدمہ درج ہونے والا تھا مگر بلاول بھٹو نے اس کی مخالفت کر دی ۔
سماجی رابطے کی ویب سائٹ ٹویٹر پر اپنے پیغام میں حامد میر نے کہا کہ ایک طرف تو شیخ رشید نفرتیں ختم کرنے کی بات کر رہے ہیں ، جھاڑو پھرنے کا خدشہ ظاہر کر رہے ہیں جبکہ دوسری جانب چیئرمین پاکستان پیپلزپارٹی کو بلو رانی قرار دے کر ان کی پارٹی کو اشتعال دلا رہے ہیں ،میں شیخ رشید کی اطلاع کیلئے بتا دوں کہ کراچی میں بھی ان کے خلاف مقدمہ درج ہونے والا تھا مگر بلاول بھٹو نے اسکی مخالفت کی ۔
شیخ رشید ایک طرف نفرتیں ختم کرنے کی بات کر رہے ہیں جھاڑو پھرنے کا خدشہ ظاہر کر رہے ہیں دوسری طرف بلاول بھٹو زرداری کو بلو رانی قرار دے رہے ہیں انکی پارٹی کو بھڑکا رہے ہیں انکی اطلاع کے لئے عرض ہے کہ کراچی میں بھی انکے خلاف مقدمہ درج ہونے والا تھا لیکن بلاول نے اسکی مخالفت کی pic.twitter.com/mZIgUOMfph
— Hamid Mir (@HamidMirPAK) May 3, 2022
ایک اور ٹویٹ میں حامد میر نے کہا کہ کل جو لوگ حنیف عباسی کے ایک اعلان کی مذمت کر رہے تھے وہ آج شیخ رشید کے انداز گفتگو سے متعلق کیا کہیں گے؟۔
جو لوگ کل حنیف عباسی کے ایک اعلان کی مذمت کر رہے تھے وہ آج شیخ رشید کے لچر انداز گفتگو کے بارے میں کیا کہیں گے؟ https://t.co/HyKRL5YOtb
— Hamid Mir (@HamidMirPAK) May 3, 2022