کینیڈا بھی داعش کے خلاف بین الاقوامی اتحاد میں شامل ہوگیا

کینیڈا بھی داعش کے خلاف بین الاقوامی اتحاد میں شامل ہوگیا
کینیڈا بھی داعش کے خلاف بین الاقوامی اتحاد میں شامل ہوگیا

  

ٹورنٹو(مانیٹرنگ ڈیسک ) عراق اور شام میں برسرپیکار داعش کے خلاف امریکا کی سربراہی میں بین الاقوامی اتحاد میں کینیڈا بھی شامل ہوگیا ہے۔

غیر ملکی خبر رساں ادارے کی رپورٹ کے مطابق کینیڈا کے جنگی طیاروں نے پہلی مرتبہ عراق میں داعش کے ٹھکانوں پر بمباری کی ہے جس کی تصدیق کینیڈا کے وزیر دفاع راب نکلسن نے کی ہے، ان کا کہنا تھا کہ کینیڈین فضائیہ کے سی ایف 18 جنگی طیاروں نے اپنے اتحادیوں کے ساتھ رابطے میں رہتے ہوئے عراق کے صوبہ فلوجا میں داعش کے ٹھکانوں پر لیزر گائیڈڈ بم گرائے تاہم اس بمباری سے داعش کا کتنا نقصان ہوا اس بارے میں کچھ کہنا قبل از وقت ہے۔ داعش کے خلاف کارروائی دہشت گردی کے خلاف کینیڈا کی حکومت کے عزم کا اندازہ ہوتا ہے۔

واضح رہے کہ امریکا کی سربراہی میں کئی یورپی اور عرب ممالک داعش مخالف بین الاقوامی اتحاد کا حصہ ہیں جبکہ کینیڈا کی پارلیمنٹ نے گزشتہ ماہ داعش کے خلاف عالمی اتحاد کا حصہ بننے کی منظوری دی تھی۔

مزید :

بین الاقوامی -