نیب کا کے ڈی اے دفتر پر چھاپہ ،ڈائریکٹر اور ریکارڈ روم انچارج گرفتار

نیب کا کے ڈی اے دفتر پر چھاپہ ،ڈائریکٹر اور ریکارڈ روم انچارج گرفتار

کراچی (کرائم رپورٹر) نیب نے کراچی ڈویلپمنٹ اتھارٹی(کے ڈی اے) کے دفتر پر چھاپا مار کر ریکارڈ قبضے میں لے لیا جب کہ ڈائریکٹر عبیداللہ اور ریکارڈ روم کے انچارج کامران کو بھی گرفتار کرلیا۔تفصیلات کے مطابق نیب سندھ نے کے ڈی اے کے دفتر میں چھاپا مار کر اہم ریکارڈ تحویل میں لے لیا جب کہ ڈائریکٹر کے ڈی اے عبیداللہ اور انچارج ریکارڈ روم کامران کو حراست میں لے لیا گیا۔ذرائع کے مطابق نیب کی ٹیم سابق ڈی جی کے ڈی اے ناصر عباس کو ہتھکڑی لگا کر سوک سینٹر پہنچی اور ان کی موجودگی میں عملے سیسوالات کئے گئے، ٹیم نے کے ڈی اے کے چارج پارکنگ کے دفتر کی تلاشی لی جب کہ ڈائریکٹر چارجڈ پارکنگ اور بچت بازار عبید اللہ اور انچارج ریکارڈ روم محمد کامران کو حراست میں لے کر نامعلوم مقام پر منتقل کردیا، اس دوران کے ڈی اے آفس کے تمام داخلی اور خارجی راستے بند کردیئے گئے تھے۔

مزید : کراچی صفحہ اول