باکسر عامر خان لندن میں لڑکی کے ساتھ سیر سپاٹے کرتے ہوئے پکڑ ے گئے

باکسر عامر خان لندن میں لڑکی کے ساتھ سیر سپاٹے کرتے ہوئے پکڑ ے گئے
باکسر عامر خان لندن میں لڑکی کے ساتھ سیر سپاٹے کرتے ہوئے پکڑ ے گئے

  

لندن (ڈیلی پاکستان آن لائن )برطانوی نژاد پاکستانی باکسر عامر خان لندن میں ایک نامعلوم لڑکی کے ساتھ سیر سپاٹے کرتے دیکھے گئے۔

نجی ٹی وی جیونیوز نے برطانوی میڈیا کے حوالے سے کہاہے کہ30 سالہ سابق لائٹ ویلٹر ویٹ باکسنگ چیمپئن عامر خان کو لندن میں شیشہ بار کے باہر ایک خاتون کے ساتھ گھومتے دیکھا گیا اور گمان ظاہر کیا جا رہا ہے کہ یہ خاتون فریال مخدوم کے بعد عامر خان کی زندگی کی پارٹنر ہو سکتی ہے۔

عامر خان اور ان کی نامعلوم دوست کو خوشگوار موڈ میں ایک ساتھ گاڑی میں بیٹھتے بھی دیکھا گیا۔ اس کے علاوہ نامعلوم خاتون نے ہاتھ میں لال گلاب کا پھول بھی اٹھا رکھا تھا۔

خیال رہے کہ باکسر عامر خان نے دو ماہ قبل سوشل میڈیا کے ذریعے فریال مخدوم سے علیحدگی کا اعلان کیا تھا جس کے بعد فریال مخدوم کی جانب سے عامر خان سے تعلقات دوبارہ بحال کرنے کے لیے معافی بھی مانگی گئی تھی تاہم باکسر کی جانب سے اس کا کوئی جواب نہیں دیا گیا تھا۔کچھ روز قبل ڈیلی میل سے بات کرتے ہوئے فریال مخدوم کا کہنا تھا کہ وہ عامر خان کی بیٹی کو خود مختار اور طاقتور بننا سکھائیں گی جو مسلمان خواتین کے لیے ایک مثال بنے۔

مزید : کھیل