سپر ہائی وے پر ٹریفک حادثہ 4 افراد جاں بحق، 10 زخمی

سپر ہائی وے پر ٹریفک حادثہ 4 افراد جاں بحق، 10 زخمی

کراچی (اسٹاف رپورٹر) سپر ہائی وے پر ہونے والے ٹریفک حادثے میں 4 افراد جاں بحق ہو گئے، جب کہ 10 افراد کے شدید زخمی ہونے کی اطلاع ہے۔تفصیلات کے مطابق کراچی سپر ہائی وے پر خوف ناک ٹریفک حادثے میں چار افراد اپنی جان سے ہاتھ دھو بیٹھے، جب کہ دس افراد زخمی ہو گئے ہیں۔حادثے کے بعد شاہراہ پر ٹینکر سے بہنے والا تیل پھیل گیا۔پولیس کا کہنا ہے کہ سپر ہائی وے پر ہونے والے حادثے کے بعد شاہراہ پر ٹینکر سے بہنے والا تیل پھیل گیا ہے۔ پولیس کے مطابق حادثے کے نتیجے میں زخمی ہونے والے افراد کو اسپتال منتقل کیا جا رہا ہے،جب کہ جائے حادثہ پر فائر بریگیڈ کو بھی طلب کر لیا گیا ہے۔خیال رہے ایک ماہ قبل شہرِ قائد کے علاقے فیڈرل بی ایریا میں تیز رفتار ٹرالر کی زد میں آ کر خاتون جاں بحق ہو گئی تھی۔ خاتون کی ہلاکت کے بعد علاقہ مکینوں نے شاہراہ پاکستان بلاک کردی تھی۔ستمبر میں بھی شہرِ قائد کے علاقے گلشن حدید میں ڈیزل سے بھرے 2 ٹینکر اور وین میں تصادم ہوا تھا جس کے نتیجے میں 2 افراد جاں بحق ہو گئے تھے۔

مزید : پشاورصفحہ آخر