نظام شمسی کا سیارہ عْطارد 11 نومبر کو زمین، سورج کے درمیان سے گزرے گا

نظام شمسی کا سیارہ عْطارد 11 نومبر کو زمین، سورج کے درمیان سے گزرے گا

  



واشنگٹن (مانیٹرنگ ڈیسک)نظام شمسی کا سیارہ عْطارد 11 نومبر کو زمین اور سورج کے درمیان سے گزرے گا۔ماہرین فلکیات کے مطابق آخری مرتبہ یہ نظارہ 2016 میں دیکھنے میں آیا تھا جبکہ 11 نومبر کے بعد اسے 13 سال بعد یعنی 2032 میں دیکھا جاسکے گا۔واضح رہے عطارد نظام شمسی کے 8 سیارو ں میں سے سب چھوٹا اور زمین سے سب سے زیادہ فاصلے پر موجود سیارہ ہے۔امریکی خلائی تحقیقاتی ادارے ناسا کے مطابق عطارد 11 نومبر کو پاکستانی وقت کے مطابق تقریباً شام ساڑھے 5 بجے زمین اور سورج کے سامنے آئے گا اور زمین اور سورج کے درمیان اس کا یہ سفر تقریباً 5 گھنٹے بعد ساڑھے 11 بجے اختتام پذیر ہوگا۔زمین اور سورج کے درمیان عطارد کے آنے کا منظر جنوبی اور مغربی ایشیا، افریقہ اور شمالی امریکہ کے بڑے علاقے، جنوبی اور مغربی یورپ اور بحرہند سمیت پاکستان کے شہر کراچی میں بھی نظر آئے گا۔ماہرین کے مطابق عطارد کا زمین سے فاصلہ زیادہ ہونے کی وجہ سے عطارد سورج پر ایک نکتے کی مانند نظر آئے گا اور اسے دیکھنے کیلئے خصوصی دوربینوں اور آلات کی مدد کی ضرورت ہوگی۔ماہرین نے خبردار کیا ہے کہ اس دوران سورج کو براہ راست آنکھ سے دیکھے سے گریز کیا جائے کیونکہ اس کی وجہ سے بینائی کو شدید خطرات لاحق ہوسکتے ہیں۔

سیارہ عطارد

مزید : صفحہ آخر