سٹاک مارکیٹ میں دوسرے روز بھی تیزی، انڈیکس 138.14پوائنٹس بڑھ گیا: ڈالر 80پیسے مزید سستا 

سٹاک مارکیٹ میں دوسرے روز بھی تیزی، انڈیکس 138.14پوائنٹس بڑھ گیا: ڈالر 80پیسے ...

  

کراچی (اکنامک رپورٹر) پاکستان اسٹاک مارکیٹ میں منگل کو بھی تیزی کا رجحان رہا اور کے ایس ای100انڈیکس ایک بار پھر47ہزار پوائنٹس کی نفسیاتی حد عبور کر گیا جبکہ مارکیٹ کے سرمائے میں 14ارب روپے سے زائد کا اضافہ بھی ریکارڈ کیا گیا۔کاروباری تیزی کے سبب 48.19فیصد حصص کی قیمتیں بھی بڑھ گئیں۔پاکستان اسٹاک مارکیٹ میں منگل کو کاروبار کا آغاز مثبت ہوا سرمایہ کاروں اور مالیاتی اداروں کی پیٹرولیم،ٹیلی کام،سیمنٹ سمیت دیگر منافع بخش شعبوں میں سرمایہ کاری کی بدولت ٹریڈنگ کے دوران انڈیکس ایک موقع پر 47315 پوائنٹس کی بلند سطح پر پہنچ گیا تھا تاہم کاروبار کے اختتام سے قبل تکنیکی کریکشن کے سبب انڈیکس بلند سطح پر برقرار نہ رہ سکا مگر 47ہزار پوائنٹس کی نفسیاتی حد عبور کرکے بند ہوا۔پاکستان اسٹاک مارکیٹ میں منگل کو کے ایس ای100انڈیکس میں 138.14پوائنٹس کا اضافہ ریکارڈ کیا گیا جس کے نتیجے میں انڈیکس 46974.78پوائنٹس سے بڑھ کر47112.92پوائنٹس ہو گیا اسی طرح 88.28پوائنٹس کے اضافے سے کے ایس ای انڈیکس 18254.87پوائنٹس سے بڑھ کر18343.15پوائنٹس پر جا پہنچا جبکہ کے ایس ای آل شیئرز انڈیکس 32037.24پوائنٹس سے بڑھ کر 32096.21پوائنٹس پر بند ہوا۔کاروباری تیزی کے سبب مارکیٹ کے سرمائے میں 14ارب86کروڑ93لاکھ16ہزار556روپے کا اضافہ ریکارڈ کیا گیا جس کے نتیجے میں سرمائے کا مجموعی حجم 80کھرب63ارب88کروڑ85لاکھ70ہزار306روپے سے بڑھ کر80کھرب78ارب75کروڑ78لاکھ86ہزار863روپے ہو گیا۔پاکستان اسٹاک مارکیٹ میں منگل کو13ارب روپے مالیت کے 30کروڑ62لاکھ 44ہزار حصص کے سودے ہوئے جبکہ پیر کو 14ارب روپے مالیت کے43کروڑ8لاکھ8ہزار حصص کے سودے ہوئے تھے۔پاکستان اسٹاک مارکیٹ میں منگل کو مجموعی طور پر361کمپنیوں کا کاروبار ہوا جس میں سے174کمپنیوں کے حصص کی قیمتوں میں اضافہ171میں کمی اور16کمپنیوں کے حصص کی قیمتوں میں استحکام رہا۔کاروبار کے لحاظ سے بائیکو پیٹرولیم1کروڑ92لاکھ،ٹیلی کارڈ لمیٹڈ1کروڑ44لاکھ،فرسٹ نیشنل ایکویٹیز 1کروڑ8لاکھ،ہم نیٹ ورک 1کروڑ4لاکھ اور ورلڈ کال ٹیلی کام 1کروڑ2لاکھ حصص کے سودوں سے سرفہرست رہے۔قیمتوں میں اتار چڑھا? کے اعتبار سے اللہ وسایا ٹیکسٹائل کے حصص میں 149.91روپے کا اضافہ ہوا جس سے اسکے حصص کی قیمت2449.90روپے ہو گئی اسی طرح 100.00روپے کے اضافے سے نیلسے پاکستان کے حصص کی قیمت بڑھ کر 6000.00روپے پر جا پہنچی جبکہ یونی لیور فوڈز کے حصص کی قیمت500.00روپے گھٹ گئی جس سے اسکے حصص کی قیمت20500.00روپے ہو گئی اسی طرح 200.00روپے کی کمی سے رفحان میظ کے حصص کی قیمت گھٹ کر9700.00روپے پر آ گئی۔ انٹر بینک اور مقامی اوپن کرنسی مارکیٹ میں منگل کو روپے کے مقابلے ڈالر مزید سستا ہو گیا جس کی وجہ سے روپے کی قدر میں اضافہ ہوا۔فاریکس ایسوسی ایشن آف پاکستان کی رپورٹ کے مطابق منگل کو انٹر بینک میں روپے کے مقابلے ڈالر کی قدر میں 80پیسے کی کمی واقع ہوئی جس سے ڈالر کی قیمت خرید 171روپے سے گھٹ کر170.10روپے اور قیمت فروخت171.10روپے سے گھٹ کر170.30روپے ہو گئی اسی طرح مقامی اوپن کرنسی مارکیٹ میں ڈالر کی قدر میں 70پیسے کی کمی واقع ہوئی جس سے ڈالر کی قیمت خرید 171.20روپے سے کم ہو کر170.50روپے اور قیمت فروخت171.70روپے سے کم ہو کر171روپے ہو گئی۔فاریکس رپورٹ کے مطابق یورو کی قیمت خرید 196روپے اور قیمت فروخت198روپے پر بدستور برقرار رہی جبکہ1روپے کی کمی سے برطانوی پونڈ کی قیمت خرید 232روپے سے کم ہو کر231روپے اور قیمت فروخت235روپے سے کم ہو کر234روپے ہو گئی۔عالمی مارکیٹ میں سونا مہنگا ہو گیا تاہم ملکی صرافہ مارکیٹوں میں سونے کی قدر گھٹ گئی۔آل پاکستان سپریم کونسل جیولرز ایسوسی ایشن کی رپورٹ کے مطابق منگل کو 8ڈالر کے اضافے سے فی اونس سونا1792ڈالر ہو گیا تاہم ملکی صرافہ مارکیٹوں میں ایک تولہ سونا150روپے سستا ہو کر1لاکھ17ہزار650روپے ہو گیا اسی طرح129روپے کی کمی سے دس گرام سونے کی قیمت1لاکھ866روپے ہو گئی۔

سٹاک مارکیٹ

مزید :

صفحہ آخر -