دکی میں مسلح افراد نے 3 ٹرکوں کو فائرنگ کے بعد آگ لگادی

دکی (ڈیلی پاکستان آن لائن )بلوچستان کے ضلع دکی میں مسلح افراد نے3 ٹرکوں کو فائرنگ کے بعد آگ لگادی۔
ذرائع کے مطابق چمالنگ کے علاقے میں تھری پل کے مقام پر نذر آتش کئے گئے دو ٹرک کوئلے سے بھرے تھے جبکہ ایک ٹرک خالی تھا۔
آگ سے تینوں ٹرک مکمل تباہ ہوگئے جبکہ فائرنگ سے ایک ٹرک ڈرائیور حبیب اللہ زخمی ہوا، لیویز کی نفری جائے وقوعہ پر پہنچ گئی ہے۔
واضح رہے کہ ضلع دکی اور اس سے جاری کوئلہ کا کاروبار چند مہینوں سے دہشتگردوں کے نشانے پر ہے۔ جہاں آئے روز کوئلے سے لدے ٹرکوں اور کوئلے کی کانوں میں کام کرنے والے مزدوروں کو نشانہ بنایا جاتا ہے۔