نارووال(ڈیلی پاکستان آن لائن)سیالکوٹ اور نارووال میں شادیوں میں دلہوں کے دوستوں نے ملکی و غیر ملکی نوٹوں اور دیگر تحائف کی برسات کردی۔
جیو نیوز کے مطابق سیالکوٹ مترانوالی میں دوست کی شادی پر دلہا کے دوستوں نے شادی پرنوٹوں سے بھرے بیگوں کے منہ کھول دیے۔ ڈالرز، پاؤنڈ، یوروز اور پاکستانی نوٹ نچھاور کیے، اس دوران دلہا کے دوستوں نے موبائل فون اور کپڑے بھی شرکا میں بانٹے۔
سیالکوٹ کے دلہا حامد کو دوستوں نے پانچ پانچ لاکھ سلامی بھی دی، بارات مترانوالی ڈسکہ سے گوجرانوالہ گئی۔اُدھر نارووال میں بھی طوطے والی سے آنے والی بارات پر نوٹوں اور کپڑوں کی برسات کی گئی۔ دلہا کے دوستوں اور بھائیوں نے چھت سے سوٹ اور نوٹ نچھاور کیے۔ بچوں اور بڑوں نے جال لگا کر نوٹ اور سوٹ لوٹے۔