زندگی کے کتنے دن باقی، عجیب وغریب گھڑی آپ کو ڈرائے گی

زندگی کے کتنے دن باقی، عجیب وغریب گھڑی آپ کو ڈرائے گی
زندگی کے کتنے دن باقی، عجیب وغریب گھڑی آپ کو ڈرائے گی

  

سٹاک ہوم(نیوزڈیسک)اگر آپ اپنے طرز زندگی کے بارے میں پریشان ہیں کہ اس کے آپ کی صحت پر کیا اثرات ہیں تو اس ضمن میں ایک آلہ آپ کی مدد کر سکتا ہے۔ سویڈن کے ایک موجد نے ایک ایسی گھڑی ایجاد کر لی ہے جو کسی شخص کی متوقع عمر کا حساب رکھتی ہے بلکہ یہ تو آپ کی موت کی گھڑیاں بھی گنتی ہے اس ”موت کی گھڑی“ کو Tikkerکا نام دیا گیا ہے جسے فیڈرک کالٹنگ نے ایجاد کیا ہے۔ مسٹر کالٹنگ اسے ہیپی نیس واچ کے نام سے یاد کرتا ہے اور اس کا دعویٰ ہے کہ اس گھڑی کو لوگوں کی مدد کی غرض سے ڈیزائن کیا گیا ہے تاکہ زندگی کا باقی ماندہ وقت صحیح کاموں پر خرچ کر سکیں۔ جب ہم اس گھڑی”Tikker“ کو سیٹ کرتے ہیں تو یہ آپ کو ایک سوال نامہ دیتی ہے جس میں آپ سے آپ کی میڈیکل ہسٹری، بیماریوں اور الرجی وغیرہ کے بارے میں معلومات پوچھی جاتی ہے آپ سے یہ بھی پوچھا جاتا ہے کہ آیا آپ سگریٹ یا شراب نوشی تو نہیں کرتے اور کیا آپ کی فیملی میں زیا بیطس، کینسر یا دیگر بیماریوں کی کوئی مثال تو موجود نہیں ہے اور یہ بھی سوال کیا جاتا ہے کہ آپ کتنی ورزش کرتے ہیں اور آپ کا وزن کتنا ہے۔ آپ کی موت کی تاریخ کا تعین کرنے کے لئے آپ کی موجودہ عمر اس گھڑی سے کاٹ لی جاتی ہے اور یوں یہ گھڑی باقاعدگی سے آپ کی موت کی گھڑیاں گننا شروع کر دیتی ہے۔ یہ گھڑی فروخت کے لئے انٹرنیٹ پر پیش کر دی گئی ہے جس کی قیمت49.99 ڈالر ہے۔ ذرا اس بات کاتصور کریںکہ اگر کوئی آ کر آپ سے کہے کہ آپ کی زندگی کا صرف ایک سال باقی رہ گیا ہے تو آپ کس طرح اپنی زندگی کو بدل دیں گے۔ اس گھڑی کے موجد کا کہنا ہے کہ جب میرے دادا کا انتقال ہوا تو میرے ذہن میں خیال آیا کہ ہم سب کو اپنی موت کا علم وقت سے پہلے ہونا چاہئے۔

مزید : ڈیلی بائیٹس