جنوبی افریقہ نے بنگلہ دیش کو پہلے ٹیسٹ میچ میں 333رنز سے ہرا دیا
پوچیفسٹروم(نیٹ نیوز) جنوبی افریقہ نے پہلے ٹیسٹ میچ میں بنگلہ دیش کو 333 رنز سے شکست دے کر دو میچوں کی سیریز میں 1-0 کی برتری حاصل کر لی۔ 424 رنز کے تعاقب میں بنگلہ دیش کی پوری ٹیم 90 رنز پر ڈھیر ہوگئی۔ کیشوو یادیو نے 4 وکٹیں حاصل کیں۔ ڈین ایلگر کو میچ کا بہترین پلیئر قرار دیا گیا۔ پیر کو ٹیسٹ کے پانچویں اور آخری روز بنگلہ دیش نے 49 رنز 3 کھلاڑی آؤٹ پر اننگز دوبارہ شروع کی تو اسے جیت کیلئے 375 رنز درکار تھے مگر مہاراج اور کگیسو ربادا کی تباہ کن باؤلنگ کے سامنے بنگلہ دیشی بلے باز جم کر نہ کھیل سکے اور پوری ٹیم 90 رنز پر ڈھیر ہوگئی اس طرح اسے 333 رنز سے شکست کا سامنا کرنا پڑاکپتان مشفق الرحیم 16 ، محمد اللہ نو، لٹن داس، صابر رحمان اور تسکین احمد چار، چار جبکہ شفیع الاسلام دو اور مصطفیض الرحمان ایک رن بناکر آؤٹ ہوئے۔ کیشوو یادیو نے چار اور کگیسو ربادا نے تین کھلاڑیوں کو آؤٹ کیا۔ ڈین ایلگر کو پہلی اننگز میں 199 رنز دلکش اننگز کھیلنے پر مرد میدان قرار دیا گیا۔جنوبی افریقہ اور بنگلہ دیش کی کرکٹ ٹیموں کے درمیان دوسرا اور آخری ٹیسٹ 6 سے 10 اکتوبر تک بلوم فاؤنٹین میں کھیلا جائے گا۔
