رنگنانے پاکستان کیخلاف اپنی ٹیسٹ وکٹوں کی تعداد101 کر لی
ابو ظہبی (نیٹ نیوز)سری لنکن سپنر رنگنا ہیراتھ کے ابوظہبی ٹیسٹ میں بھی 11 شکار، پاکستان کے خلاف لنکن بولر کی بہترین کارکردگی ایک میچ میں184رنز کے عوض 14 وکٹیں ہیں۔سری لنکا اور پاکستان کے درمیان دو ٹیسٹ میچوں کی سیریزکے پہلے ٹیسٹ میچ میں رنگنا ہیراتھ نے پاکستانی بلے بازوں کے ناک میں دم کیے رکھا۔ ابوظہبی ٹیسٹ کی پہلی اننگز میں 5اور دوسری اننگ میں6 شکار کیے۔ رنگنا ہیراتھ نے میچ میں فاتحانہ پرفارمنس دی اور ساتھ ہی پاکستان کے خلاف اپنی ٹیسٹ وکٹوں کی تعداد101 کر لی ہے۔اس سے قبل پاکستان کے خلاف لنکن بولر کی بہترین کارکردگی ایک میچ میں184 رنز کے عوض14 وکٹیں ہیں، انہوں نے یہ اعزاز اگست 2014 کو گال ٹیسٹ میں اپنے نام کیا تھا۔
