نارمل فیس کیساتھ پاسپورٹ کا اجرا کتنے دنوں میں ہوگا؟ محکمہ پاسپورٹ نے عوام کیلئے نئی ہدایت جاری کر دی

کراچی (ویب ڈیسک) پاسپورٹ کے اجرا ءمیں احتیاط اور جانچ پڑتال کا عمل بڑھا دیا گیا ہے، نارمل پاسپورٹ کا اجراء 21 روز میں ہوگا۔

محکمہ پاسپورٹ کے مطابق سفری دستاویز کے غیرقانونی استعمال پر پاسپورٹ کا وقت پر اجرا ءمشکل ہوگیا ہے، شر پسند مافیا پاسپورٹ کو منفی کرنے کی کوشش کر رہے ہیں۔  پاسپورٹ کے اجراء میں احتیاط اور جانچ پڑتال کا عمل بڑھا دیا گیا ہے،موجودہ صورتحال میں نارمل پاسپورٹ کا اجراء 21 روز جبکہ ارجنٹ پاسپورٹ کا اجراء 5 روز میں ہوگا،  فاسٹ ٹریک پاسپورٹ کا اجراء 2 دفتری روز میں کیا جائےگا۔

پاسپورٹ دفاتر صبح 8 بجے سے دوپہر1 جبکہ جمعے کو دوپہر 12 بجے تک کھلیں گے ۔محکمہ پاسپورٹ نے اپیل کی ہے کہ پاسپورٹ کے اجراء میں عوام تعاون کریں، پاسپورٹ کے حصول میں مشکلات پر سٹیزن پورٹل میں شکایت درج کرائیں۔