سال 2030 تک معتمرین اور حجاج کرام کی سالانہ تعداد تین کروڑ تک پہنچانے کیلئے پرعزم ہیں : گورنر مکہ شہزادہ خالد الفیصل

سال 2030 تک معتمرین اور حجاج کرام کی سالانہ تعداد تین کروڑ تک پہنچانے کیلئے ...
سال 2030 تک معتمرین اور حجاج کرام کی سالانہ تعداد تین کروڑ تک پہنچانے کیلئے پرعزم ہیں : گورنر مکہ شہزادہ خالد الفیصل

  

مکہ مکرمہ (ڈیلی پاکستان آن لائن) مکہ مکرمہ کے گورنر اور سعودی حج کمیشن کے سربراہ شہزادہ خالد الفیصل کا کہنا ہے کہ مملکت نے رواں سال حجاج کرام کی ریکارڈ تعداد کو بسوں اور ٹرینوں کے ذریعے منتقل کیا۔ انہوں نے کہا کہ 20 لاکھ سے زیادہ حجاج کی منتقلی پہلے کے مقابلے میں مختصر وقت میں عمل میں لائی گئی۔

مزید پڑھیں:سعودی عرب مسلم دنیا کا دل ، دنیا بھر سے تعلق رکھنے والے مسلمانوں کی خوشیوں ، دکھوں اور تکالیف کا احساس ہے:شاہ سلمان بن عبد العزیز

نیوز چینل ’’ العربیہ‘‘  کو دیے گئے خصوصی انٹرویو میں مکہ کے گورنر نے باور کرایا کہ مملکت نے خطے میں جاری تنازعات اور بحرانات سے دْور رہتے ہوئے بیت اللہ آنے والے حجاج کرام کے لیے بہترین خدمات کی فراہمی پر اپنی توجہ مرکوز کی ہوئی ہے۔شہزادہ خالد الفیصل نے کہا کہ 2030ء تک معتمرین اور حجاج کرام کی سالانہ تعداد تین کروڑ تک پہنچانے کے لیے مملکت بھرپور عزم رکھتی ہے، اس سلسلے میں مقامات مقدسہ کے لیے ترقیاتی منصوبہ تیار کر کے اسے مکہ مکرمہ میں جاری منصوبوں کے ساتھ مربوط کیا جا رہا ہے اور جلد ہی اس پر عمل درآمد شروع کر دیا جائے گا۔

مزید : عرب دنیا