سرحدی جھڑپ میں بھارتی اہلکار کی ہلاکت کا دعویٰ درست نہیں، چین

  سرحدی جھڑپ میں بھارتی اہلکار کی ہلاکت کا دعویٰ درست نہیں، چین

  

بیجنگ(این این آئی)چین نے مودی سرکای کی جانب سے ایل اے سی پر بھارتی فوج کے اہلکار کی ہلاکت کے دعوے کی تردید کرتے ہوئے کہا ہے کہ پروپیگنڈے اور منفی خبریں پھیلانے سے گریز کیا جائے۔عالمی میڈیا کے مطابق چین کے وزارت خارجہ کی ترجمان ہوا چنیانگ نے میڈیا بریفنگ کے دواران اس تاثر کی نفی کی ہے کہ حالیہ دنوں میں بھارت چین بارڈر پر دونوں ممالک کی فورسز کے درمیان ہونے والی جھڑپوں میں بھارتی فوج کا اہلکار ہلاک ہوا ہے۔ترجمان ہوا چنیانگ نے کہا کہ بھارتی حکومت کی اپنے فوجی اہلکار کی سرحدی جھڑپ میں ہلاکت کا دعویٰ بے بنیاد ہے۔ بھارت ذمہ داری کا مظاہرہ کرتے ہوئے پروپیگنڈے اور جھوٹی خبریں پھیلانے سے گریز کرے۔چین کی وزارت خارجہ کی ترجمان نے لائن آف ایکچوئل کنٹرول پر بھارتی فوج کی اشتعال انگیزی کی کڑے الفاظ میں مذمت کرتے ہوئے کہا کہ بھارت ایل اے سی کی خلاف ورزی سے باز رہے اور خطے میں امن کی کوششوں کو نقصان نہ پہنچائے۔

چین

مزید :

صفحہ اول -