نئی 5سالہ تجارتی پالیسی کا مسودہ تیار، ”میڈان پاکستان“ ترجیحات میں شامل 

 نئی 5سالہ تجارتی پالیسی کا مسودہ تیار، ”میڈان پاکستان“ ترجیحات میں شامل 

  

 اسلام آباد(مانیٹرنگ ڈیسک)وزارت تجارت نے 2 سال کی تاخیر کے بعد بالآخر 5 سالہ تجارتی پالیسی کا مسودہ تیار کر لیا۔وزارت تجارت کے حکام کے مطابق 5 سالہ تجارتی پالیسی 25-2020کا حتمی ڈرافت تیار کر لیا ہے جس میں برآمدات کے فروغ اور ’میڈ ان پاکستان‘ پالیسی ترجیحات ہیں۔نئی پالیسی میں برآمداتی اہداف ملکی اور عالمی سپلائی چَین کو مد نظر رکھ کر تجویز کیے گئے ہیں۔آئندہ تجارتی پالیسی میں صنعتوں کی پیداواری لاگت کم کرنے، خام مال کی درآمد پر ٹیرف کم کرنے کی تجویز دی گئی ہے اور صنعتوں کے لیے شارٹ اور لانگ ٹرم فنانسنگ کی تجاویز دی گئی ہیں۔حکام کے مطابق آٹو پارٹس، فارماسیوٹیکل، انجینیئرنگ اور کیمیکل صنعت کو ریلیف دینے کی تجاویز شامل ہیں۔ تجارتی پالیسی کے تحت پہلے برآمدات کا ہدف 2025 تک 46 ارب ڈالر تک بڑھانے کا پلان تھا تاہم نئے پلان کے تحت برآمدات 36 ارب ڈالر تک رکھنے کی تجویز دی گئی ہے۔خیال رہے کہ آخری تجارتی پالیسی گزشتہ دور حکومت میں 2015 میں پیش کی گئی تھی، اس کے بعد سے نئی تجارتی پالیسی نہیں لائی جاسکی۔

تجارتی پالیسی 

مزید :

صفحہ اول -