اوکاڑہ یونیورسٹی نے داخلوں میں اقلیتی کوٹہ مختص کر دیا
لاہور(سٹی رپورٹر)اوکاڑہ یونیورسٹی اقلیتی طلباء کیلئے داخلوں میں دو فیصد کوٹہ مختص کرنے کے حوالے سے حکومت پنجاب کے نوٹیفیکیشن کو نہ صرف معن و عن نافذ کرے گی بلکہ ایسے طلباء کو فیسوں میں بھی سبسڈی دی جائے گی۔ ان خیالات کا اظہار اوکاڑہ یونیورسٹی کے وائس چانسلر پروفیسر ڈاکٹر محمد زکریا ذاکر نے اقلیتی رہنماوں کے ایک وفد سے ملاقات کے دوران کیا۔ چار رکنی وفد نے آئرہ اندروس کی قیادت میں یونیورسٹی کا دورہ کیا اور انتظامیہ کی اقلیتی ملازمین کے لیے باعزت ماحول پیدا کرنے کے حوالے سے کی جانے والی کاوشوں کو سراہا۔وائس چانسلر نے کا کہنا تھا کہ ہمیں اپنی معاشرتی اقدار کو بدل کرتمام اقلیتوں کو ملک کے مساوی شہری کا درجہ دینا ہوگا۔ ہم معاشرے کے تمام پسماندہ طبقات بالخصوص اقلیتوں کو معاشرتی دھارے میں شامل کررہے ہیں۔ انہوں نے بتایا کہ اعلی تعلیم حاصل کیے بغیر کوئی طبقہ اپنی تقدیر نہیں بدل سکتا اور اوکاڑہ یونیورسٹی کا یہ مشن ہے کہ معاشرے کا ہر طبقہ تعلیم میں برار کا حقدار ہو۔