سر پر اک سچ مچ کی تلوار آئے تو

سر پر اک سچ مچ کی تلوار آئے تو
کوئی قاتل برسرِ کار آئے تو

سرخ رو ہو جاؤں میں تو یار ابھی
دل سلیقے سے سرِ دار آئے تو

وقت سے اب اور کیا رشتہ کریں
جانِ جاناں! ہم تجھے ہار آئے تو

سب ہیں حامی آسماں کے اے زمیں
کوئی تیرا بھی طرفدار آئے تو

اے عزا دارو! کرو مجلس بپا
آدمی انسان کو مار آئے تو

شاعر: جون ایلیا

Sar Par Ik SachMuch Ki Talwaar Aaey To

Koi Qaatil Bar Sar  e  KAar Aaey To

Surkru Ho Jaaun  Main To Yaar Abhi

Dil Saleeqay Say  Sar  e  Daar  Aaey To

Waqt Say Ab Aor kia Rishta Karen

Jaan  e  Jaana Ham Tujahay Haar Aaey To

Sab Hen Haami Aasmaan K Ay Zameen

Koi Tera Bhi Tarafdaar Aaey To

Ay Azaa Daaro! Kro Majlis  Bapaa

Aadmi Insaan Ko Maar Aaey To

Poet: Jaun Elia