انگلینڈ سے 2 ماہ بعد واپس آنے والے وہاب ریاض کی ویڈیو وائرل ہو گئی

انگلینڈ سے 2 ماہ بعد واپس آنے والے وہاب ریاض کی ویڈیو وائرل ہو گئی
انگلینڈ سے 2 ماہ بعد واپس آنے والے وہاب ریاض کی ویڈیو وائرل ہو گئی

  

لاہور (ڈیلی پاکستان آن لائن) انگلینڈ کے خلاف تیسرے ٹی 20 میچ کی جیت میں اہم کردار ادا کرنے والے قومی کرکٹ ٹیم کے فاسٹ باﺅلر وہاب ریاض کی بچوں کیساتھ  پیار کرنے کی ویڈیو وائرل ہو گئی ہے اور ان کا کہنا ہے کہ 2 ماہ بعد گھر واپس آ کر بہت اچھا محسوس ہو رہا ہے۔ 

تفصیلات کے مطابق وہاب ریاض نے دورہ انگلینڈ کے بعد وطن واپسی پر سوشل میڈیا ویب سائٹ ٹوئٹر پر اپنی ویڈیو شیئر کی جس میں وہ گاڑی میں اپنے بچوں سے مل رہے ہیں اور انہیں بہت پیار کر رہے ہیں۔ وہاب ریاض نے اپنے پیغام میں لکھا کہ 2 ماہ کے طویل دورے کے بعد گھر واپسی اور فیملی کے ساتھ بہت اچھا محسوس کر رہے ہیں۔ اہل خانہ آپ کو سب سے اچھی خوشی دیتے ہیں۔

گاڑی میں موجود وہاب ریاض کے بچے بھی ان سے مل کر بہت خوش ہو رہے ہیں اور والد سے اپنی محبت کا بھرپور اظہار کر رہے ہیں۔ یاد رہے کہ انگلینڈ کے خلاف تیسرے ٹی 20 میچ میں کامیابی ملنے کے بعد کپتان بابر اعظم نے وہاب ریاض کے 19 ویں اوور کو میچ کا ٹرننگ پوائنٹ قرار دیا تھا، میچ میں وہاب ریاض نے 2 کھلاڑیوں کو آﺅٹ کیا۔ 

مزید :

کھیل -