ستاروں کی روشنی میں آپ کا آج (جمعہ) کا دن کیسا رہے گا؟

ستاروں کی روشنی میں آپ کا آج (جمعہ) کا دن کیسا رہے گا؟
ستاروں کی روشنی میں آپ کا آج (جمعہ) کا دن کیسا رہے گا؟

  

برج حمل ، سیارہ مریخ، 21 مارچ سے 20 اپریل

 آپ نماز کی طرف خوب دل لگا کر توجہ دیں۔ اس وقت روحانی قوت کو تیز کرنے کی ضرورت ہے۔ توبہ بھی کریں اور حقوق العباد کے حوالے سے خاص خیال رکھیں۔

برج ثور، سیارہ زہرہ، 21 اپریل سے 20 مئی

 جس بھی انداز سے آپ چلنا چاہتے ہیں وہ شاہد ٹھیک نہیں، اپنی مرضی نہ کریں اللہ کی رضا میں اپنی رضا تلاشکریں اور اپنے اندر کے اچھے انسان کو باہر نکالیں۔

برج جوزہ، سیارہ عطارد، 21 مئی سے 20 جون

 صورت حال مسلسل بہتری کی جانب جا رہی ہے۔ آپ کے لئے آگے چل کر اچھی خبریں ہیں، مگر دوسروں کو ان کا حق ضرور دیں۔ خاص طور وراثتی امور میں دیکھیں۔

برج سرطان، سیارہ چاند، 21 جون سے 20 جولائی

 آج کا دن اہم ہے۔ کچھ معاملات خرابی سے بہتری کی جانب جائیں گے مگر ذہن پر بوجھ اور بلاوجہ کی پریشانی نے آپ کو تنگ کیا ہوا ہے۔ اس کا صدقہ دیں۔

برج اسد، سیارہ شمس، 21 جولائی سے 21 اگست

 لوگوں کی باتوں میں آکر ابھی اپنی پوزیشن تبدیل نہ کریں۔ آپ غلطی کریں گے کیونکہ جو بھی ہوتا ہے منجانب اللہ ہوتا ہے اور اس کو بدلنے کا سارا اختیار بھی اللہ کو ہے۔

برج سنبلہ ، سیارہ عطارد، 22 اگست سے 22 ستمبر

 میرے اللہ نے چاہا تو اب آپ سکون محسوس کریں گے آپ کی جو بھی کوشش چل رہی تھی اب وہ رنگ لانے لگی ہے۔ خود بڑے واضح انداز میں اشارے ملنا شروع ہوں گے۔

برج میزان ، سیارہ زہرہ، 23 ستمبر سے 22 اکتوبر

 مبارک دن ہے۔ کوئی رکا ہوا کام ہونے کا واضح امکان ہے اور لاحق ٹینشن بھی دور ہوگی۔کچھ دور اندیشی کے فیصلے بھی کرنا پڑ سکتے ہیں اور رقم بھی مل جائے گی۔

برج عقرب ، سیارہ مریخ، 23 اکتوبر سے 22 نومبر

 غلطی کی گنجائش نہیں آپ پھر بھی باز نہیں آ رہے۔ ان دنوں رسک لینا غلط ہے اور شارٹ کٹ راستہ اختیار نہ کریں جو لوگ بیمار ہیں وہ فوری صدقہ بھی دیں۔

برج قوس ، سیارہ مشتری، 23 نومبر سے 20 دسمبر

 بلاک رقم میں سے کچھ کی واپسی ممکن ہو سکتی ہے جو لوگ کسی بھی معاملے کو لے کر مشکل میں آ گئے تھے۔ آج وہ اس سے نکلنے کی پوزیشن میں ہیں۔ شام تک اچھی خبر آ جائے گی۔

برج جدی ، سیارہ زحل، 21 دسمبر سے 19 جنوری

 آج کا دن اہم ہے اور کسی خاص مقصد کی جانب اشارہ کر رہا ہے۔ آج آپ نے اپنی عقل کا امتحان لینا ہے اور اگر پلاننگ زبردست ہوئی تو پھر وارے نیارے ہی ہیں۔

برج دلو ، سیارہ زحل، 20 جنوری سے 18 فروری

 جلد بازی سے کام نہیں لینا، کسی بات کا معلوم بھی ہو جاتا ہے تو آپ اس کی اچھی طرح تحقیق ضرور کرلیں۔ ورنہ بلاوجہ دوسروں پر الزام لگانے سے بڑے گناہ گار ہوں گے۔

برج حوت ، سیارہ مشتری، 19 فروری سے 20 مارچ

 اب حالات بدل گئے ہیں۔ جیسا آپ چاہتے ہیں ضروری نہیں ویسا ہی ہو جائے۔ ان دنوں مخالفین اپنی چالوں کو چلنے میں مصروف ہیں۔ آپ بس سورة حشر کی آخری تین آیات پڑھیں۔

مزید :

لائف سٹائل -مخفی علوم -