امریکہ کا فائزر ویکسین کی 40 لاکھ سے زائدڈوز پاکستان کوعطیہ کرنے کا فیصلہ

واشنگٹن(مانیٹرنگ ڈیسک) امریکہ نے پاکستان کو فائزر کی کورونا ویکسین کی مزید 40لاکھ سے زیادہ خوراکیں عطیہ کرنے کا فیصلہ کیا ہے۔ ا مریکی نشریاتی ادارے سے گفتگو کرتے ہوئے ترجمان وائٹ ہاؤس نے بتایا پاکستان کو ویکسین کی 40لاکھ سے زیادہ خوراکیں آج بھجوائی جا رہی ہیں، پاکستان کو 41 لاکھ 49ہزار کورونا ویکسین کی خوراکیں کوویکس پروگرام کے تحت بھجوائی جارہی ہیں۔ ترجمان کا کہنا تھا امریکہ پا کستا ن کو جون سے لیکر اب تک فائزر اور موڈرنا ویکسین کی 92 لاکھ سے زیادہ خوراکیں پہلے ہی دے چکا ہے، ہم دنیا بھر میں زیادہ سے زیا د ہ لوگوں کو بچانے کیلئے کوشاں ہیں۔خیال رہے کوویکس کورونا ویکسین کو پوری دنیا کے درمیانے اور کم آمدنی والے ممالک میں منصفانہ طور پر پہنچانے کیلئے عالمی ادارہ صحت اور دیگر اداروں کا مشترکہ پروگرام ہے۔
امریکہ فیصلہ